[يوسف الصامل]

ياطير يا طير ياطير السعد يا للـي تـرف الجنـاح
لا واهنيـك ليـا ضاقـت عليـك الأرض خليتـهـا
وإن رحت وإن جيت ياطير السعد تسبق هبوب الرياح
وأظن ما فيه ديره فوق وجـه الأرض مـا جيتهـا
ما نته بمثلي تجي وتروح ما يصعب عليك المـراح
لكـن ياليـت جنحانـك معـي ياطـيـر ياليتـهـا
كله على شان ازور اللي رمانـي بالعنـا واستـراح
اللـي علـى شانهـا الاقـدام عنتـنـي وعنيتـهـا
في ماض الأيام أشوفه قدم عيني فالمسـا والصبـاح
واليوم حتى العلوم اللي تجينـي عنـه مـا أوحيتهـا
وليا نشدت العرب ما حدن يعلمني عنـه ويـن راح
وأتعبـت نفسـي وبالنشـدة كثيـر النـاس بذيتهـا
لا ووجودي على شوفك ولو مره يا ظبـي البـراح
ياللي علـى شانـك العبـره علـى الخديـن هليتهـا
يا بو عيونٍ هدبهـا يـزرق العشـاق زرق الرمـاح
ذبحت روحي على كفـك برمـش العيـن واحييتهـا

لشاعرالكبير/حبيب العزمي

الموضوع الأصلي: ياطــــــــــــــير الســــــــعد | | الكاتب: يوسف الصامل | | المصدر: شبكة بني عبس

[العريض]

صح لسان الشاعر

تسلم ع النقل

[يوسف الصامل]

مشكور اخوي العريض على مرورك

[ابو بيان]

يوسف الصامل مشكور على نقل قصيده الشاعر حبيب العازمي وتقبل تحياتي اخوك ابو بيان