[(*العرعري*)]

أخواني الكرام أضع بين يديكم الشاعر الكبير مطلق الثبيتي وسيرته رحمة الله

هو شاعر كبير وله تاريخ زاخر بالعطاء والابداع في فن القلطه ويعتبر مدرسه شعريه نادره تخرج منها شعار كثر والحديث عن هذا الشاعر ذو شجون فأليكم نبذه بسيطه عن حياته


الشاعر/ مطلق بن حميد بن احمد بن عنيزان الثبيتي يرحمها الله

الشاعر الفذ ورائد شعراء المحاوره وصاحب اكبر نقلة نوعيه في

تاريخ المحاوره سوف نحاول قدر جهدنا الحديث عن سيرته

ـــــــ
فهو من مواليد

منطقة الطائف عام 1359هـ1940م وتحديدا السيل الكبير
ــــــ

دراسته
أ) تخرج من كلية الشريعه والدراسات الاسلاميه بمكه
ـــــــ
المكرمه عام1385هـ

ب)ابتعث الى بريطانبا وحصل على شهادة الماجستير من جامعة
مانشستر

وموضوع رسالته(التجديد والتقليد في الشعر العربي الحجازي

المعاصر)

المناصب التي تقلدها
ـــــــــــــــــــ
1)عضو هيئة التدريس بكلية الشريعه بجامعة ام القرى

2)سكرتير مجلة الداره الي تصدر عن دارة الملك عبد العزيز

بالرياض0

3)الملحق التعليمي بسفارة المملكه العربيه السعوديه بالسودان

4)رئيس قسم البحوث والترجمه وقسم تطوير المناهج بوزارة

التعليم العالي

اصداراته للمكتبه العربيه
ـــــــــــــــــــــــ
)ديوان قصائدومحاورات شعبيه 0000شعرنبطي


2)ديوان جراح الامس

3) المغتره سوف للاسواق في ايام العيد من اعداد ابنه المقدم /


فيصل وطبع على نفقة صاحب السمو الملكي الامير فيصل بن خالد


4) ثلاثة كتب مختلفه سوف ترى النور قريبا

5)ديوان اندلسيات0شعر فصيح

وفاتــــــه
ــــــــــــ

انتقل الى رحمة الله بعد مرض لم يمهله طويلا في الولايات المتحده

الامريكيه ودفن بمكه المكرمه في الرابع من شهر ربيع الاول عام

1416هـ

رحم الله مطلق الثبيتي واسكنه فسيح جناته واليكم قصائده ,,,

غنيت من زين الطواريق طـاروق
قافٍ ليا قلتـه تنشـط طروقـه
لعيون غرو يشطح الشوق من فوق
يا جعل ضدات الدهـر ماتعوقـه
اللي ليا منه تمخطر مـع السـوق
يعمى بعينه كـل عيـن سروقـه
ماهو بمن برقا ولا هو بمـن روق
يشدى لغصـن لينـات عروقـه
طبٍ لقلب من هوى البيض محروق
والسعد قدامـه وتحتـه وفوقـه


اختـار سمحـات الــدروب النظيـفـه
اللـي غسلهـا رايـح المـزن بـرشـاش
يمشونهـا قــوم النـفـوس الشـريـف
اللـي ضمايرهـم نقيـة كمـا الـشـاش
ابيوتـهـم مـثـل الحـصـون المنيـفـة
ما هـي لطيـر البـوم غيـران واعشـاش
وحلالـهـم للضـيـف دايــم مريـفـه
لو رجلهم يسـرح ويضـوي علـى مـاش
والرجـل منهـم مـا يخـلـي رديـفـه
إن ما ت مثله مات وان عـاش لـه عـاش
وان مـات منهـم رجـل عقـب خليفـه
يطعـن نحـور القـوم ويـرد الادبــاش
يعـرف هـدف روحـه ويعـرف وليفـه

ايحطهـا مـا بيـن نـونـه والارمــاش
ماهـو علـى الخفـرات يستـل سيـفـه
وان طالعـوا فيـه الرياجـيـل ينـحـاش
حلـو النبـا سـمـح المحـيـا لضيـفـه
ويصيـر لـه خـادم مسـخـر وفــراش
وان مـد مـا مـدت يميـنـه قصيـفـة
مـدت يمينـه تبهـر الخـبـل والــلاش
واليـا هـرج تلقـى علـومـه طريـفـة
مـا هـو لهفـوات المناعـيـر منـقـاش
وان شبـت النيـران مـا هــو بليـفـة
فـي ساعـة الكربـة سـواي ورشــاش
سـده بعيـد ولا أحـد يعـرف غريـفـه
ولا هـو لعـرض المكـرم العـرض نهـاش
والشـوك فـي جنبـه سـوات القطيـفـه
إن كان مـا لـه بيـت مامـون وافـراش
مـا يرتكـي فـوق الخبـول الضعيـفـة
اللـي ليـا حركتهـا قـدرهـا طــاش
وان جـا نهـار كــل قــرم يعيـفـه
ما هو ليـا ثـارت علـى القـوم رمـاش
الكـذب يعـرف بيـن الأجـواد زيـفـه
والصدق مثل السيـف صاطـي وحشـاش
وصحيفتـة يـا طيبهـا مــن صحيـفـة
ولهـا مـن العقـال كـاتـب ونـقـاش
حـاز المـراجـل والمـراجـل كليـفـة
الا علـى اللـي كـل مـا رامهـا هـاش
وان شاف له مـن جانـب القـوم خيفـة
تلـقـاه للخيـفـة مهـاجـم وبـطـاش
الصـدق والمعـروف والطـيـب كيـفـه
ويغبش لهـا مـع طلعـة الفجـر مغبـاش
للحمـل مـا تلقـى جنوبـه صخيـفـة
حولـه بـروق تعمـي العيـن وافــلاش
يصبـر علـى جرحـه ويمسـح نزيـفـه
طبـه بشبـه خيـر مـن طـب الاحبـاش
ولا هـو كمـا سبـع سنونـه ضعيـفـة
دايــم يلحسـهـا وللعـظـم عــراش
وان شاف لـه فـي غيبـة النـاس شيفـة
مـا هـو بخبـل لاخضـر العـود قـراش
دنيـاه لـن صـارت ذلــول عسيـفـة
طـوع علهيـا كـل عاصـي ونـفـاش
وان كـان قفـت مـا عليهـا حسيـفـة
ولا هـو ورا هـوج المعاصيـر قـشـاش

وان جـاع مـا وقـع كمـا طيـر جيفـة
وان عـري مـا يلبـس سماليـل وأخيـاش


لاتنزع السهم من قلبي ومـن كبـدي
اني صنعت سخافات الهـوى بيـدي)
(مسترسلا فـي متاهاتـي ويسحقنـي
جهلي وقدأنقل العدوى الى ولـدي)
(ويبعث الهم في روحـي وأنسجتـي
حتى انحنيت ودب الضعف في عضدي)
(فالامس ولى وما في الامس من مرح
وأقبل الخوف من يومي وهم غـدي)
(والذكريـات علـى أعقابـه ألـق
من الضياء وأمسى القلب فـي كبـد)
(وكل طرف تهـز القلـب نظرتـه
وجدتـه قـدرمـاه الله بالـرمـد)
(فعدت للعمـر فـي طيـش أبعثـره
بحثالحبي قلـم أتعـب ولـم أجـد)
(لوأن للشامت الموتور مـن غـرض
راى من الوجد آثارا على جسـدي)
(لايعجب الناظر المذهول من قلقـي
فالعمر قد ضاع في شومي وفي نكدي)
(فالعالمـون مـع الايـام فـي كبـد
والجاهلون مـن الايـام فـي رغـد)
(وخيمة كنـت بالآمـال أسكنهـا
وجدت أحلامها مهـزوزة العمـد)
(فليتني عشـت مأخـوذا بزخرفهـا
مثل الغبـي ولـم أشكوالـى أحـد)
ولـو نصبـت مجاديفـي وأشرعتـي
فلن أعـود لحـب الطائـر الغـرد)
(يامـن يعـز لقلبـي أن يفارقـهـا
كيف الرحيل وقيد الحر فـي مسـد)
(اني هنا في جيوش الشمـع أشعلهـا
في غيبة النور عن عيني وعن بلـدي)
(أحنوعليهاوأبكيـهـا وأنشـدهـا
شعـري وأنضحهابالمـاء والـبـرد)
(وهالـة الحـب تحميهـا وتحرسهـا
من غدرةالذئب أو من صولة الأسـد)
(ليت المحيط الذي أمواجـه غسلـت
غشاوة الحزن عن قلبي وعن كبـدي)
(يعانق الشاطيء الولهان فـي مـرح
وفيه أغـرق أوهامـي الـى الأبـد

مدح في الأمير سلمان بن عبدالعزيز امير الرياض


يامرحبا بك عد مبدى الهـلالا
واعداد ماتدرج نجـوم المجـرا
واعداد ماتنثر حقـوق الخيـالا
عليك ياشيخاً على العدل قـرا
سلمان ورد كايـدات المنـالا
شيخاً تحت ضلة شيوخاً تـذرا
الله عطاه ولامشـى باختيـالا
واليا نوى له درب كـلاً تحـرا
واليا حضر يمـه بروقـاً تـلالا
مثل الصدوق اليا اشتعل ثم سرا
ويصير في صف الرجال اختلالا
واللي ورا الصفين والناس بـرا
واليا خطب يملى صدور الرجالا
ولا احدٍ فتر عزمه ولا احدٍ تجرا
هيبة ملك سبحان رب الجـلالا
حرٍ على **ب المعالـي مضـرا
هذا كلام الصدق والكذب لا لا
يالايمي في جابتـي وش تـورا؟


هذه قصيده للشاعر مطلق الثبيتي رحمه الله موجهه لسمو الأمير فهد العبد الله آل سعود


جبت القصايد كلبوهن من الراك
واحتار فكري بين هذي وهاذيك
واليا الشعر ياطيب الذكر مااوفاك
حقك ويكذب كل من قال يوفيك
الشعر كله من تصانيـف نمـاك
واللي يرد الطيب بالشعر نميـك
عيني بصيرة والطويلـة بيمنـاك
يقطعك ياوقتٍ عن الطيب يثنيك
مالي جدى غير اني اشهر سجاياك
للناس واخير واحدٍ جاهلٍ فيـك
انته فهد والصدق والعرف مبداك
نسل الحرار اللي مع الناس تفديك
جعل المنايا يابو فيصـل تعـداك
وتسعدبك ايامك وتسعد لياليـك

هذه القصيده مهداه من مطلق الثبيتي رحمه الله للأمير محمد بن نايف بن عبدالعزيز ال سعود


يامرحبا يانـور يامنبـع النـور
ياللي شمل نورك فروع الـوزارة
من جيتك وأيامنا افراح وسرور
ورفعتنا بيـن المـلا فالصـدارة
اللي بنت يمناك في عدة شهـور
صعبٍ على غيرك يسير مسـاره
ياراعي العليا ويامحكـم الشـور
الوقت ليله فات واقبـل نهـاره
رفعك من قمه لقمه ومشكـور
العاهل المحبوب تـاج الحضـارة
محمد بحسن الراي والعقل مشهور
نفـذ مهماتـه وطـور ديـارة
من روس حكامً لهم فالعـلا دور
بالسيف والمنطق وصدق العبـارة
ياشيخ وانته للمهمات مذخـور
متوشحٍ تاج الشرف والأمـارة
الساس عز البيت والبيت معمور

الموضوع الأصلي: ديوان وسيرة الشاعر الكبير مطلق الثبيتي رحمة الله | | الكاتب: (*العرعري*) | | المصدر: شبكة بني عبس

[صوت الحق]

http://www.bani-3abs.net/aa/search.php?searchid=304692

مواضيعك كلها عن عتيبه

[(*العرعري*)]

اقتباس من مشاركة صوت الحق http://www.bani-3abs.net/aa/search.php?searchid=304692 مواضيعك كلها عن عتيبه

وأذا مواضيعي عن شعراء عتيبه خير ياطير تبين أجامل وأكتب مواضيع عن شعراء غير مؤهلين للشعرو قصائدهم عاديه وأنا معروف لدى الكثيرر واللي يعرفني أكثر خالد العويمري مشرف منتدى القبيله وهو جاري أيضا,,
أنصحك عليك بالمصداقيه وأبتعد عن المجامله

وأقول

يازين الكلمه اللي ربحها مضمون
عساها ماحصدها كل زراعي

[خاتم الرشيدي]

العتبان ونعم فيهم وبيض الله وجهك يالعرعري على انقل
وشعراء القبيله فيهم الخير ومن اقواء الشعراء زملاهم من القبايل
الثانيه وعتيبه قبيله عزيزه علينا وسعداء بنقل قصايد شعراهم

وتقبل خالص الود وتقدير

[منصور غنيمان]

مشكور على الاختيار المميز لشعار المفضلين للجميع

[الـرونـق]

ونعم بقبيلة عتيبه..

مشكور أخوي العرعري على نقل سيرة الشاعر مطلق الثبيتي رحمه الله..

والله يعطيك العافيه..