[نوماس5]

حبيبـي لا تعـذر والجـروح اسبابهـا الأعــذار
وانا ادري مايطيب الحـب غيـر بكثـرة ذنوبـه
.
يليـت الجـرح مـا بيّـح نزيفـه باقـي الأســرار
ياليتـه كـان ذنـب ابـدون عـذر وتغفـره توبـه
.
أنا اللي ماخذا منك القصاص ولا طلب لـه ثـار
علـى كثـر الحقـوق اللـي تمنّـى قـول مطلوبـه
.
أهلّـي بالمواجـع كـل مانسـاقـت مــن الأقــدار
واقـول يحلّـهـا الـلـي حطّـهـا للقـلـب مكتـوبـه
.
حطبت ضلوعي وشبّيت ضوّك يا عذاب النـار
وانا استر كـل هـم .. وكـل هـمٍ ضـاق بـه ثوبـه
.
تذكّر كيف سيّلـت المشاعـر فـي هـواك انهـار
عطيتـك للفـرح صحـوه ولـلأحـزان غيبـوبـه
.
عطيتك وقتي ورحت اترقّب قاصـف الأعمـار
وانا سنيني علـى عمـرٍ نثرتـه فيـك محسوبـه
.
حبيبي وان بغيت الصدق ياشين الهوى لاجار
حبيبـي وان بغيـت الكـذب كلّـن ملْـك محبوبـه
.
دخـيـلـك لا تـعــذر واللـيـالـي خـلّـهـا تـنــدار
يبـيـن الـنـور والا ياعـسـاه يـطـوّل غـروبــه

الموضوع الأصلي: حبيبـي لا تعـذر والجـروح اسبابهـا الأعــذار | | الكاتب: نوماس5 | | المصدر: شبكة بني عبس

[ابو ياسر]

صح لسانك ولاهنت على النقل المميز

[نوماس5]

صح بذنك وله انت اخوي

[وشلون مغليك]

صح لسانك ولاهنت

[نوماس5]

اقتباس من مشاركة الفريدسي2 صح لسانك ولاهنت

صح بذنك وله انت اخوي

[عبدالرحمن هليل]

حبيبي وان بغيت الصدق ياشين لاجار
حبيبي وان بغيت الكذب كلن ملك محبوبه


صح لسانك يانوماس5

[بدر حيي]

صح لسانك يانوماس 5

[نوماس5]

اقتباس من مشاركة عبدالرحمن هليل حبيبي وان بغيت الصدق ياشين لاجار حبيبي وان بغيت الكذب كلن ملك محبوبه صح لسانك يانوماس5

صح بذنك اخوي