[عواض بن بهلان]

بسم الله الرحمن الرحيم
السلام عليكم ورحمة الله وبركاته
هدي لكم هذي القصيده
وامل ان تحوز على رضاكم

البارحه النوم من ناظري طار=وصبح عليا الصبح وانا برجاها
ياللي لها هيبه على جيب فكسار=في شاشة الجوال هذى نداها
ناظرتها لين اعجبتني بالانظار = وهي انظرتني نظرتٍ وش حلاها
شفت الربيع وشقت همال الامطار= تروي غصونٍ يابسه من ضماها
نظره عجيبه كلها ود وسرار= نظراتها تفرض عليا هواها
عيونها خرصٍ مضاليل وكبار=لاسلهمت بالرمش ليلٍ غشاها
فيها الجمال اللي بها العين تحتار=الله عطا يوسف والله عظاها
تصفق قلوب اهل الهوى يمين ويسار=وانا اعتقد من شافها مانساها
قلت استلم قال استلم دون لختار=والشرلي الجوال والرقم جاها
ان انحذف وان انحفظ صار تذكار=ان انحفط وان انحذف من فداها
بغيت منها العلم والعلم ماصار = وقفت وانا عيني تراعي وراها
وجدي عليها وجد متغرب الدار= اللي يشوقه حبها مع غلاها
جارتبه الدنيا وجارن الاقدار=وابعد عن الديره وهو في رجاها
امه كبيرة سن وخوانه الصغار = والعيشه اللي بينهم مهتناها
ماهوبكيفه لكن الوقت به دار=مطلوب دم محرمٍ شرب ماها
عايش بديره كلها انذال وشرار=ناس ٍ يهود ولا يترجم لغاها
لويذكر الحلوه تعيف الامرار=نقسٍ شقيه عايشه في شقاها
لويكثر الاعذار ماتفيد الاعذار=ميس ونفسه ضايقه من بلاها
مسكين لو اشتاق للدار ينهار=تطري عليه القصه اللي جناها
قاتل بليا حق عمدٍ وجبار = لحظة غضب هدت سنينٍ بناها
يشكي من الدنيا ميبكي من النار= يبكي عقوبة نار يحرق سناها
الله واكبر شوفم الوقت لاجار=يخلي المشتاق يكره لقاها
لاصار حظك زفت والوقت غدار= علت زمان وتبتلش في دواها
زاد اشتياقي لكن الحظ ماثار= يلعنك ياحظ الشقا مابغاها
مرة تقل حلمٍ تغطيه الازهار= وقفت تقل بردٍ يزيله دفاها
وصبح عليا الصبح مارد الاخبار= وقفت وظن القلب مقفي معاها

الموضوع الأصلي: ياللي لها هيبه على جيب فكسار | | الكاتب: عواض بن بهلان | | المصدر: شبكة بني عبس

[سعد الشقل]

صح اللسان يا عواض على هالقصيده الجميله

وماهو غريب على شرواك هالابداع هذا


فيها الجمال اللي بها العيـن تحتـار */*/* الله عطـا يوسـف والله عظـاهـا

تصفق قلوب اهل الهوى يمين ويسار */*/* وانا اعتقـد مـن شافهـا مانساهـا

[ماجد الذيابي]

يعطيك العافيه ولا هنت

[بنت العبسي]

... صح لسانك ...



كلمات في غاية الروعة الله يحميك , والف شكر لمنحنا فرصة قراءتها

[عبدالرحمن عديهان]

صح لسانك...

قصيده جزله من شاعر جزل...


تقبل مروري ولك تحياتي

[عواض بن بهلان]

اقتباس من مشاركة سعد الشقل صح اللسان يا عواض على هالقصيده الجميله وماهو غريب على شرواك هالابداع هذا فيها الجمال اللي بها العيـن تحتـار */*/* الله عطـا يوسـف والله عظـاهـا تصفق قلوب اهل الهوى يمين ويسار */*/* وانا اعتقـد مـن شافهـا مانساهـا

صح الله السانك


ويشرفني مرورك الكريم



تحيييييييييييييييييييييييييياتي

[مرزوق العجوني]

صح لسانك ياعواض ولا هنت على الرائعه

[طلال العويمري]

صح لسانك...

قصيده جزله من شاعر جزل