[عاشق الصحراء]

أنت لا طقّت براسك ( حُب ) جيت تحبّـني ..
وغبت لامن طقّـت براسك ( غياب ) و ما ألتقيك


ياخي .. إمّأ تحتفظ بي صحّ .. ولاّ ذبّـني ..
ما أنت مجبور علي .. وماني مجبور عليك


شاطر إنّك بس من وقت لوقت .. تشبّـني
وتنبسط لا صرت أقول : الله يرحم والديك


حس فيني .. لبّ إحساسي و نداي .. ولبـّني
شوف أنا وشلون صرت أموت و تعلّقت فيك


كن قلبي حالف : ما غيرك أنت .. يطبّـني
فلا تعلّقني كذا .. مابين أحبّك .. و أحتريك


خلّني بينك و بين الصّدر أعيش .. و خبـّني
ولا تطلّعني .. لأنّي لو طلعت .. أصلاً بجيك


لا تجاملني بوجه .. و من وراي .. تسبـّني
ولا تسوّي لي ( متيّم ) .. و أنت تخفي ما لديك


ما انت ناقص تربية .. حتّى تقلّي : ربّـني
و أنت مثّبت لي من أوّل .. تربية أمّك و أبيك


لو أنا ماني كفو .. اتركني عنّك .. و كبـّني
و اعتبرني مرحله .. و اغسل من الرّجعه .. ايديك

الموضوع الأصلي: لا تجاملني بوجه .. و من وراي .. تسبـّني !!! | | الكاتب: عاشق الصحراء | | المصدر: شبكة بني عبس

[البعيد الهادي]

لو أنا ماني كفو .. اتركني عنّك .. و كبـّني
و اعتبرني مرحله .. و اغسل من الرّجعه .. ايديك

كفو ولله ياعاشق الصحرا
وصح اللسانك
ولاهنت

[عبداللطيف الرشيدي]

الله الله ابيات جميله
الله يعطيك
لك احترامي وتقديري

[عاشق الصحراء]

اقتباس من مشاركة البعيد الهادي لو أنا ماني كفو .. اتركني عنّك .. و كبـّني و اعتبرني مرحله .. و اغسل من الرّجعه .. ايديك كفو ولله ياعاشق الصحرا وصح اللسانك ولاهنت

اخي العزيز البعيد الهادي

ماعليك زود وصح بدنك

والله لايهينك حضور رائع كما عودتنا

دمت بكل خير

[عاشق الصحراء]

اقتباس من مشاركة ابو سعد الله الله ابيات جميله الله يعطيك لك احترامي وتقديري

ابو سعد الله يعافيك ويسلم غاليك

ومشكور على حضورك

دمت بكل خير

[ذيبان الرشيدي]

الله يعطيك العافيه

على الابيات الجميله

والراائعه


يالغالي

لاتحرمنا الجديد الاجمل

[عاشق الصحراء]

اقتباس من مشاركة ذيبان الله يعطيك العافيه على الابيات الجميله والراائعه يالغالي لاتحرمنا الجديد الاجمل

الله يعافيك ويسلم غاليك

ومشكور على حضورك يالغالي

دمت بكل خير

[ابو محمد العريض]

الله الله ابيات جميله
الله يعطيك
لك احترامي وتقديري