[سعد الشقل]

بسم الله الرحمن الرحيم

اعزائي اعضاء وزوار شبكة بني عبس الكرام

اقيمت هذه المحاورة الساعه العاشره في تاريخ 24/3/2008

مع اثنان من المع نجوم المحاوره الشباب من ابناء القبيلة المتميزين

وهما النجم الشاعر عبدالعزيز الخياري والنجم الشاعر سعد المحيش

المشاركين في برنامج قلطه الوطن ونتمنى لهم التوفيق جميعا ..//


عبدالعزيز الخياري

ياسلام الله سلام(ن) ماهو بـأيّا سلام=منتدى عبس العريقـه يبثـه لاهلـه
من بغا الطولات مايرعبه عتم الظلام=لو تعدى مرحله باقـي لـه مرحلـه

سعد المحيش

مرحبا ترحيبة(ن) في رفيعين المقام=باهل الطولات والمعرفـه والمرجلـه
ماعليه الفارس الى معه سيف وحزام=والوعد بيني وبين الليـال المقبلـه

عبدالعزيز الخياري

البقا ثم البقـا والله الله والهمـام=افتخر في فعل جدك مادمت تمثلـه
كل فارس بالملاقا يبا يسل الحسام=الوعد بينه وبين السيوف المصقله

سعد المحيش

ماتفيدك بضعة(ن) لاتبـاع ولاتسـام=كل واحد حافظ(ن) بالزمن وسم اجمله
دام انا مسلم على نهج من صلا وصام=نيتي حسب اعملي يوم كلن وعملـه

عبدالعزيز الخياري

رافع(ن) نفسي عن الطامنه في كل عـام=جاك علم اللي سلوم العـرب ماتجهلـه
أن ذبحت اذبح جمل وان كليت اكل السنام=صاحبك سيف(ن) مايثر بخصمه مانقلـه

سعد المحيش

عز نفسك وطلب الطايله والحظ قـام=واعتبر من سورة الفاتحة والزلزلـة
لاتوصي روس قوم(ن) يفكون الجهام=الخيول مرسنـة والجمـال معقلـه

عبدالعزيز الخياري

عزنا الله من خلقنا من الناس الكرام=وانت تفتي يامشالله وثوبك مسبلـه
بارك الله فيك سر في المطايا للامام=دامك نفسك صافيه والنوايا عادلـه

سعد المحيش

انت لك قيمة وشيمة وحشمة واحترام=ياعسى منته نصيب السهوم المرسله
مير خلك صاحي(ن) فالمواجه لاتنـام=اكثـر الغفـلات يابودحيـم مشكلـه

عبدالعزيز الخياري

الجبل ماهزه الريح وانغام الحمـام=لو يهز القرد ذيله ما غيّر منزلـه
ياسعد فيما تقوله ما نلحقك الملام=ماخبرنا ورد وسط الفياض الممحله

الموضوع الأصلي: سعد المحيش × عبدالعزيز الخياري منسقه | | الكاتب: سعد الشقل | | المصدر: شبكة بني عبس

[فهد المويسه]

صح لسان الشاعران النجمان الخياري والمحيش

وبيض الله وجيهم على الطاروق

وبيض الله وجهك على التنسيق

وتقبل سلامي

[مبارك الشويلع]

السلام عليكم


بيض الله وجهك يامشرفنا الغالي

سعد الشقل

على هذا التنسيق الطيب

وصح لسان الشعااار

ولاهنتو جميــــــــع

[عايض بن صالح]

بيض الله اوجيهكم على هذه المحاوره الملئيه بالشعر من شاعرين عملاقين

تقبلوا تحيتي

[العبسي سبع]

بيض الله وجهك يامشرفنا

سعد الشقل

على هذا التنسيق الطيب

وصح لسان الشعااار

[عبس404]

صح لسان الشاعران النجمان الخياري والمحيش

وبيض الله وجيهم على الطاروق

وبيض الله وجهك على التنسيق

[كاس ألم]

مشكـــــــــــــــــــــــــور أخ سعد ع النقل الاكثر من رائع



ويسلمووووو

[ثامر بني عبس]

مشكووووووووووووووووووووووور اخ سعد وتسلم يمينك وبيض الله وجهك