[المتجه للمجهول]

سلام الله علـى المقفـي سـلام يتبعـه مكتـوب=كتاب ٍ ما حوى بسمـه وقصيـد ٍ كشّـر أنيابـه

نهاية خوّتك حانت فلا صاحـب ولا مصحـوب=على وضح النقا بكتب قراري خـذ وش أسبابـه

إذا ظنـك أنـا هيـن تريّـث واسمـع المنـدوب=كلام ٍ ياصلك مني شعـاع الشمـس لـك جابـه

ظلام الليل دهور بك وصوّر لك علـى المقلـوب=كيـان ٍ مـا تبيّنتـه خسرتـه وطافـك ركـابـه

تصوّرته تحت أمرك تحسب إنه معـك مصلـوب=تخيّلتـه مثـل غيـره يجـي لـك رافـع ٍ كابـه

فقدك اللي وضع حملك أنا شاطب منا مشطـوب=وإذا خانك ظـلام الليـل ضـوّي حيـل شبّابـه

صحيح إن القوي غالـب ولكنّـه معـي مغلـوب=وأنا ما أتبع هوى المقفي ولو عزّي على أبوابـه

أنا وإن زادت جروحي وصرت من الفرح منهوب=وأشوف المقفي علاجي أبـد مـا أنشـد جوابـه

أنا ماني رهين الشـوق لا غـاب المقفّـي نـوب=أبد ما أنشد عن أحواله ولا أسـأل عنـه بغيابـه

أنا حي ٍ مع الحييـن لا غابـو نشـدت وجـوب=وإلى طلّو علـي أرحـب خفوقـي زاد ترحابـه

أحد يبطي ولا جاني وذكـره بالحشـا مرغـوب=وأحد يقفي بلا رجعه حشـا مـا قـول ياسفابـه

ترا ما يرخص الرجال غير إنـه يغـدا معيـوب= يطارد من رخـص قـدره ويتبـع كيـف جنّابـه

رفيع الشان من صغري عن المقفين أجر الثـوب=خوي ٍ ما رفع قـدري عساهـا للـردى أطنابـه

رفيع الشان من صغري ولا لي بالمقفي صـوب=ردي ٍ ما عرف قدري ملاك المـوت أولـى بـه

وأنا في الحاضر الماضي عن العليا حشا ماتـوب=أعانـق شامخـات العـز شفنـي بـأول كتابـه

يمين المرجله يمناي إلى صـار العـلا مطلـوب=أشمر عن ذراعي وأوصـل المعنـى إلـى بابـه

أتل المبتغى تلّـت سحـاب الخيـر للمسحـوب=وأكب المنتهـي كبّـت قطـوف التتـن وهبابـه

ألا يا جاهل ٍ قدري عسـاك أيقنـت للمرغـوب=فراق ٍ يحفـظ العـزّه ولا وصـل ٍ بـه طلابـه

وأنا راسي بقى مرفوع راس العز مو مضـروب=فراقـك يـا بعـد حيـي فـلا هـزّه ولا عابـه

فمـان الله يالمقفـي فمانـه بآخـر المكـتـوب=قصيد يوثّق الفرقـى وحـرف ٍ صحّـت أنيابـه

الموضوع الأصلي: :::::::::::معي مغلوووب::::::::::::: | | الكاتب: المتجه للمجهول | | المصدر: شبكة بني عبس

[فـ عتيبه ـارس]

صح لسانك

يالشعلان مبدع

جزل يالشعلان

وهلابك يالرويلي

[المتجه للمجهول]

هلا بنبراس

صح بدنك

يافارس الهيلا تستاهل الناموس يالذيب

لاهنت وجهك ابيض

تحياتي اخوك خالد الشعلان

[بندر الذيابي]

صح الله لسانك اخوي خالد

قصيده عشقت الجمال فنالته وصيغت بحروف من الذهب

لتظهر لنا بتلك الحله التي يلمع بريقها لتجذب القارئ نحوها.


أرحب بك بيننا واثني الترحيب وتشرفنا بوجودك.

[المغرم اليائس]

قصيدة مغمورة بالجمال
ومكتضة بالروعة
شكرا لك على هذه الدره

[المتجه للمجهول]

بندر الذيابي


لاهنت

ياطويل العمر دام الله عزكم ياشغاميم عبس

لاخلا ولاعدم للطيب كسابه

فداكم اللاش


لاهنت مرورك اسعدني

تقبل تحياتي
اخوك خالد الشعلان

[المتجه للمجهول]

المغرم


لاهنت يالذيب

كثر الله من امثالك

تحياتي اخوك خالد الشعلان