[المتجه للمجهول]

ما عاد لي قلبـن يحبـك ويغليـك=هذي الحقيقه كـان تبغـا الحقيقـه
ماتت احاسيسه ولا عـاد يطريـك=عزّه عساك اتذوق جرحه وضيقـه
ذبلت وروده ضامياتـن براضيـك=شحّت وهي تسقيك صافي رحيقـه
أتلا العهد خُبـري تركتـه بياديـك=وعاهدتنـي يسكـن مكانـن يليقـه
وخابت ضنوني ياعسى الله يبليـك=ودليتنـي درب العـذاب وطريقـه
ضاق الفضا من يوم خابت رجاويك=في عين شاعـر والمشاعررقيقـه
شبيتها لك من شتاء البـرد تدفيـك=رغم الهموم اللي بصدري طليقـه
ويا قّو قلبك ما تحرك وانا ابكيـك=والعين غاصت والمحاجر غريقـه
واوفاك دمعن مـا هقيتـه يوفيّـك=وازّبدّ على جـال المعنّـا وريقـه
ونـاداك قلبـي ماسمعتـه يناديـك=صوته شرق والملح عثـره تعيقـه
واليوم راجع والندم ثوب كاسيـك=يا مّحَمّل المجـروح مـالا يطيقـه
خلك على دربن رجع بك يوديـك=كافي تزود القلب جـرح وتذيقـه
الله حسيبك ما بقى فـي محاكيـك=صبراً على جرحن يعانـق شقيقـه
ياللي تنادي ما مضى مـن لياليـك=ما عاد تغرينـي اليالـي العتيقـه
ياللي تنادي تحسـب انـي بلبيـك=الجرح نايم وانت صوتـك يفيقـه
لا تزعجه مانام له عـام يرجيـك=وتـوّه غفـا بيـن الحنايـا دقيقـه
مانام لما قلـت لا جـاء بصحيـك=حتى تسيلـه مـن يبـاس وتريقـه
ولحفته اضلوعن تثنـت مشابيـك=حتى تصير احلام نومـه عميقـه
خنته مثل ماخنت عهد الوفـا فيـك=وصرت استحق من الخيانه وثيقـه
ياجرح خنتك والبلا اني مخاويـك=ومعاهدك محـدن يبـور برفيقـه
لكن حداني سبتّـك يـوم يدعيـك=جابه حمرّ سيفك ولمعـت بريقـه
ياجرح ما دورت لك من يداويـك=رغم العذاب اللي بصدري وضيقه
أدّمح خطـاي ولا تفكّـر بخليـك=ياوافين ما خان عشـرتّ صديقـه
وياللي تنادي لا تنـادي ولا ابيـك=الجرح نايم وانت صوتـك يفيقـه
لا تزعجه ما نام له عـام يرجيـك=وتّـوه غفـا بيـن الحنايـا دقيقـه

الموضوع الأصلي: :::::::::::::::::::: ضاااااااااااااق الفضاااااااااااااء | | الكاتب: المتجه للمجهول | | المصدر: شبكة بني عبس

[فلسفة شاعر]

اخي الكريم .. خالد الشعلان

قصيده رائعه ذات طابع جميل وانسيابي
تسلسل راقي في الابيات

تشرفت بأن اكون اول من يعلق على هذه الدره

ارجو ان يتم تنسيقها لاظهار جمالها ورونقها الخاص

لك جزيل الشكر ...

تقبل مروري ودمت بـــــود

[مرزوق العجوني]

صح لسانك اخوي ولا هنت وتقبل مروري وننتظر جديدك

[المتجه للمجهول]

اقتباس من مشاركة فلسفة شاعر اخي الكريم .. خالد الشعلان قصيده رائعه ذات طابع جميل وانسيابي تسلسل راقي في الابيات تشرفت بأن اكون اول من يعلق على هذه الدره ارجو ان يتم تنسيقها لاظهار جمالها ورونقها الخاص لك جزيل الشكر ... تقبل مروري ودمت بـــــود

فلسفة شاعر لاهنت

مرورك بحد ذاته رونق من الجمال استمد الضياء منه

لاعدمتك يارجل


تقبل تحياتي

[المتجه للمجهول]

مرزوق العجوني

لاهنت للطيب سباق يامرزوق

تسلم يمينك

وشاكر لك من قلبي

لاهنت يالذيب

تقبل تحياتي

[عيد سعود]

صح لسانك وبيض الله وجهك وتقبل مروري

[ايه*** انا]

صح اااااااااااااااا لسانك وبيض اااااااااااااااا الله وجهك ووووتقبل مرررررروررررري

[المتجه للمجهول]

عيد


ربي يبارك فيك


شاكر لك على هذا المرور