[رويبح رباح العويمري]

الشاعر:رابح دحيلان العويمري

عديت اناباللي نبامن اجباله=في راس حزم تاقف الرجل وتحير
ياول يادورمن اول مضاله=يوم السعاده مرتعن للخواوير
يدلن للنزوه والابيض قباله=ومدهالهن يوم الشتاوالمخاظير
وجابن حلون يطرب القلب فاله=والذمن حلوالعسل في قوارير
واشوف انادورتغيربداله=وحتى النوامي يبست عقب تخظير
ودورمضى ماباقي الاسماله=وله على مجري الهماليل تعبير
وقلبي هواجيسه دلنه لحاله=مثل المحوص اللي دلن جمة البير
حطن على قلبي بروج ومحاله=ميه يوردهن وميه مصادير
من هم وقت يوم شانت رجاله=سبت دهر وتغيرالدم تغيير
اليانشانشوصفقته شماله=ودارت عليه غربية مع معاصير
راعي الغنم كد راع الهم حاله=من كثرمايرجع ويشري لهااشعير
اليوم حط لها سفرمع عياله=وقام ايتدين عقب سلم الدنانير
طوى صميله ماهوته البلاله=لارايح نيه ولاله منايير
مايهتني لوحط عنده نواله=واقفت على دياره سنين مدابير
وبديت ذكراللي يقسم فضاله=الخلق الرزاق والي المقادير
اهوالذي ماضل الاظلاله=مهدي على عبده من الامن والخير
ياخالق نوركشف من هلاله=يامخظرودي السنه عقب تغبير
يطلبك عبدظايق خلق باله=متحيرمن كثرردالمشاوير
من فضلك يارع العطى والجماله=يارب ياللي ترزق الذيب والطير
تجيب نون مدلهمن خياله=يمطرعلى راس القرى والعثامير
مدت كريم وكل عصرنشاله=توحي رجيف السيل يظرب محادير
وفيض على وادي العقيله نزاله=والله يغيث مكرمين المسايير
وغنيم ياتي مطلبن باحتماله=والبصريصفق في الوعروالمحايير
وارخى على وادي العمايرسباله=وعلى المريريبدرالوسم تبدير
وجانا من الفيهه صدوق نساله=يقول ظاربهامن الوبل نهرير
يقول سيل انبط يهزع ارماله=من الخرم سيله لياادني زبيعير
وفيض على وادي القصيم اشتعاله=يحدمن عرعرلياوادي النير
وعقب ثلاث ادوارتخظرادحاله=امريظن عشبه كبارومصاغير
يصبح به الراعي حمدمن فضاله=والارض لبست ثوبهاوانتجت خير
وتلبست ثوب السعدمن قباله=قامت تغطى من خزاماونوير
وفي حاجرنورالشقارى زهاله=وربي كساهاثوبهاعقب تدمير
والبدوطشوشطة من فضاله=وتوحي دنين انجورهم اللمسايير
وصلوا على ذكرالنبي في عداله=وصلات ربي عدمايلفح الطير

ولكم خالص سلااااااااااامي
رويبح العويمري

الموضوع الأصلي: ميه يوردهن وميه مصادير | | الكاتب: رويبح رباح العويمري | | المصدر: شبكة بني عبس

[أبن علي]

	بيض الله وجهك يا بووليد على نقل هذه القصيدة وصح لسان راعي العليا

[عيسى المويسه]

صــح الســان الشاعر



ولاهنت على النقـل اخي الكريم



لك تحيتي



...

[رويبح رباح العويمري]

ابن علي مشكور على المرور

[رويبح رباح العويمري]

عيسى مشكورعلى المرور

[التوت]

........اشكر فارس السييف الشرقي ابووليد ولك مني اجمل تحيه.........

[عايض بن صالح]

صـــــــــــــــــــح السانك ياولد ابوه والسان الشـــــــاعر

[رويبح رباح العويمري]

التوت بيض الله وجهك على المرور ولك خالص سلاااااااااااااااااامي