[ناصر خنيفر]

حميد عزام

سلام احلا من السعه من بعد ضيق=واحلا من المرباع بعـد المحايـل
واحلا من الفرحه بعد نشفت الريق=وبشرعقـب انقطـاع العقايـل
ياعارفين الضيق مايفرح الضيـق=ضاعت ذهوبي وقت برق و مخايـل
ماهي رعية ضيعوهـا الملاحيـق=وانشد عنه ولقاه باطـراف حايـل
في كل يوم يغيب طيـر ومسابيـق=لين اختفـت حتـى ورود الثمايـل
ياكثر ماتعبـو عليـه المخاليـق=اسمه يلـم سلـوم كـل القبايـل
واللي يعرف الاسم من دون تعليق=يفزع لنا فزعـت وفـي الخصايـل
بابيات جزلة تجعل النايـم يفيـق=قافن يصحي مـن ينـام القوايـل
هذا وبالرمعـة حظـوظ وتوافيـق=ولا بالجميع قصور والشـك زايـل

هلا حميدعزام كيف الحال كل عام وانت بخيراسمحلي بنقل القصيدة لموقعها الصحيح

ياللي تنادي في عوال الشواهيق=تزهم بموضوعك عيال الحمايل
اول هلا من خافقٍ بالمغاليق= قلب ٍ يحن انشاف جزل المثايل
ترحيب شفقانن بشوقت مشافيق=عقب البطا تباشرو بالعقايل
من بعد هذا يالرجال المطاليق= واجب انجاوب مانتلاشا الرسايل
اجواب الموضوع في في قدر ماطيق= ولاهو لزوم اعرف جميع المسايل
ودققت علم حميد كله بتدقيق= واخذت ماجاب الفكر من دلايل
ثلاث هن بلوى قلوب العشاشيق= فرقا بعد عدن يلم النزايل
وفرقا وهذي ماحد الفعلها يطيق= ليابثو النمه خباث العمايل
وفرقا سببها عم غربن وتشريق=الموت فعله طايلن كل طايل
وما الاسم والله يسوق التوافيق= حياه كان الحل ماهو بعايل
هذا وبالرمعه حظوظ وتوافيق = وحميد قبل اقول لشطر قايل

ناصر خنيفر

الموضوع الأصلي: اليكم هذا الرد على قصيدة حميد عزام الرشيدي أرجو أن يحوز على رضاكم | | الكاتب: ناصر خنيفر | | المصدر: شبكة بني عبس

[مسندالعويمري]

صح الله السنتكم جميع شعار المعنا تشوقون بكل حرف وبيت هنا نتذكر فطاحلت الشعراء القداما

ونتذكر من شعرا القداما هذي القصيده فشكرا لكم فقد ابدعتم بهذا الحضور

الوقت منظر ذيب والامر فانع=امر(ن) فنيع بين مختلف الاجناس
كفاك ربك لوم شامت وشانع=ناس(ن) شرفها حدر الاقدام تنداس
واللي بلمس الخشم ماهوب قانع=يحق له لو صار بالوضع حساس
ما يقنعه سلم النفوس الهوانع=اللي مبادي عيشته سور ولحاس
لو هي بساتين(ن) ثمرها مهانع=اللي شاف منها ذل تنعاف الاغراس
مراقب العليا طوال(ن) نعانع=وطرق الرزاله بأسفل القاع غطاس

الشاعر مرشد البذال

[البعيد الهادي]

صحت السنتكم وبيض الله وجيـــــــــــــــــهكم ولا هنــــــــــــــــــــــــتم

[عواض بن بهلان]

صحت السنتكم وبيض الله وجيـــــــــــــــــهكم ولا هنــــــــــــــــــــــــتم

[خاتم الرشيدي]

صحت السنتكم وبيض الله وجيـــــــــــــــــهكم ولا هنــــــــــــــــــــــــتم

[خطير]

صح لسان الجميع

[مرزوق العجوني]

صحت اللسنتكم ولا قصرتوا وتقبلوا مروري

[بركات]

صحت اللسنتكم ولا قصرتوا وتقبلوا مروري