[سعد بن عادي]

	عسى الله لايبارك بالـورق والشعـر والاقـلام اذا قصر وانـا لديـار شعـري عانيـن عنـوه تنهض ياقلم شعري قبل لأحكـم عليـك اعـدام تنهض والهجوس الضايقه فـي غايـة الـذروه تنهض والله ان جفني من اسباب الغضب مانـام ومن اسباب القهر والله عيوني صابها جـزوه تزلزل صدري الضايق من الغيـره ولا ينـلام وتفجر دم شريـان الضميـر وساقتـه نخـوه دفاعاً عن شرف طاهر من الهامه الى الاقـدام حلال سعود واهل سعود وروح سعود له فـدوه دفاعاً عنك ياالشهم الشجـاع مكسـر الاصنـام ياهازم جيش اعدائك بغزوه مـن ورى غـزوه هذا محمد وصلى الله على محمد مـدى الايـام هذا اللي خلقه القرآن ونعـم الخلـق والقـدوه هذاى اللي منتشلنا من بحور الجهل للأسـلام هذا اللي ساقنا للنور خطوه مـن ورى خطـوه بعد هذا يجي جاهل من اهل الكفـر والاجـرام ويسخر من رسـول الله حقيـرٍ يتبـع الشهـوه تطاول في زمان العولمـه والكـذب والاعـلام تـمـادى فــاسقٍ كـافـر حيـاتـه كلـهـا لــهوه الا تبـت يـد الكافـر والا تبـت يـد الرسـام الاتبـت يديـن الهازئيـن بخـاتـم الصـفـوه هذا افضل من خلق ربي من اول عام لآخر عام وهذا افضل من مشا بين الصفا بالبيت والمـروه هذا افضل من مشا بالارض من احفاد حام وسام هذا اللي اوذي وجاهد من أجـل الديـن والدعـوه هذا اللي في سبيل الله شجـاعٍ فـارسٍ مقـدام بسيف الحق لأجل الحق جاهد وامتطى الصهوه هذا اطهر من سديم الغيم واصفى من نسيم الشام هذا القلب الحنون اللي حشـا مامرتـه قسـوه هذا الأب الرحوم اللي يوصينـا علـى الأيتـام هذا اللي كـرم المـرأه واوجـد حـق للنسـوه هذا اللي قال واوصانا على الجيران والارحـام وفاز بجنـة الفـردوس منهـو حـاذيٍ حـذوه جعله الله لكل الانبيـاء والرسـل مسـك ختـام رسولٍ ثوبـه التقـوى مـع الله وثـق العـروه قريتك سيرتٍ عطره بكتب الحافظ ابـن هشـام وبيوت الشعر وحروفه بذكرك صابهـا نشـوه فديتك والله ان حبك على عوج الضلوع وسـام وهـذي والله الثروه..انـا اشهـد والله الثـروه هذا محمد وصلى الله على محمد مـدى الايـام عسى لي من شفاعات النبي الهاشمـي حظـوه سعود البــدر

الموضوع الأصلي: قصيده من أروع ماقريت دفاعنا عن رسول الله (صلى الله عليه وسلم) | | الكاتب: سعد بن عادي | | المصدر: شبكة بني عبس

[بندر الذيابي]

اللهم صلي علي النبي الكريم


هنا تبرز اهميته الشعر ودور الشاعر بتقمص مشاكل امته والدفاع عنها


لله درك يابو عادي دائم تبهرنا بالجميل


تقبل مودتي

[عبدالعزيز الخياري]

تسلم يابوعادي على النقل

قصيده تناولت موضوعا هاما يهم الامه الاسلاميه وهو الدفاع عن صفوة الخلق محمد صلى الله عليه وسلم

وصح لسان شاعرها والله يجزاه خير

تقبل تقديري

[سعد بن عادي]

اقتباس من مشاركة بندر الذيابي اللهم صلي علي النبي الكريم هنا تبرز اهميته الشعر ودور الشاعر بتقمص مشاكل امته والدفاع عنها لله درك يابو عادي دائم تبهرنا بالجميل تقبل مودتي

أبو عوض مرورك شرف لي أي والله

[سعد بن عادي]

اقتباس من مشاركة عبدالعزيز الخياري تسلم يابوعادي على النقل قصيده تناولت موضوعا هاما يهم الامه الاسلاميه وهو الدفاع عن صفوة الخلق محمد صلى الله عليه وسلم وصح لسان شاعرها والله يجزاه خير تقبل تقديري

عبد العزيز الخياري مرورك اسعدني

وياهلا ابك والله

[حادي الجبيل]

الــلــهم صل وسلم على أشرف الأنبياء والمرسلين

[يوسف بن شري]

اللهم صلي عليه وسلم

اشكرا ونفع بك الأمة الأسلامية