[الشامخ]

بسم الله الرحمن الرحيم

الحمد لله .. على الخير والأمطار غسلت قلوب الناس قبل أراضيهم وديارهم

أنا قررت أني أكشت هالسنة أكثر من السنوات السابقة

الجو يساعد

والأمطار تشجع

وأيضاً ابحاول أنزل تقرير لكل كشتة من كشتاتــT

وأخليكم مع الكشتة الأولى

الخميس 10/11/1427 هـ

الموتر توصخ قبل لا نمشي

صح أني منيب ماخذه معي

بس طريق استراحتنا في شقراء كان مطين

الله يرزقنا زفلت ونفتك

تحركنا بعد ما طلعت الشمس مباشرة

وأول شي سويناه بعد القهوة

عبينا التوانك ماء

بما أننا في بداية موسم الكشتات

قرر أخوي أنه يلغي فكرة الدوافير

ويستبدلها بدبة غاز أصرف

بعد ما مسكنا خط المستوي

كان الجو ممتاز

الغيوم منظرها خيالي

وعبنا التوانك بنزين

بس وحنا نعبي جانا شباب معهم كراسيدا اكس ال مطيحه

قالوا وين الداهنه

قلنا انتم فيها الحين

قالوا : طيب هي ما فيها بر ؟!!

قلنا : والله ما ندري ؟ ( مدري وش تقول لها النوعية )

موتر أخوي

قولوا ما شاء الله تبارك الله

على طعوس الفروثي

الا على طاري الفروثي وش رايكم بالاسم تحس أنه زكرتي

يصلح اسم ماركه

ما شاء الله الارض رويانه

الله لا يغيرها من نعمة

هذا الموتر الي أنا راكب فيه

عاد قولوا ما شاء الله تبارك الله

ما يهم اذا كان كل الي حولك حجارة

أنت تستطيع أن تكون شجرة مثمرة

انتبهوا للبعارين

تراهم بدوا يتنقلون ويلاحقون المراعي

الله يستر

هنا استقرينا بعد ما مرينا على شعبان وأودية شقراء

اخترنا وادي ( شعيب ) الخويش الشمالي

الشعيب كان فيه مناقع بس مهيب كثيرة

السبب نوعية الأرض الرملية

يا ما حلا الفنجال مع سيحة البال

ابو ريان يدق القهوة بالنجر

وهذي النتيجة

شغل نظيف يابو ريان

كلما رفعت راسي

أشوف هالمنظر الجميل

بعد التقطيع ونزع الجلد

ننطل الدجاج في الدزدر ( القدر) زي مانتم شايفين

طبعا فوق الكشنة

وبالهنا والشفاء

بس ناقصنا ببسي

حتى السحاب في الشرق حزين على فراق الشمس

عاد دامها تبيتجي باتسر وشوله الحزن

شب النار يا شباباها

وخلنا نسولف ونستانس بس

عدسة : ماجد المنيع مكشات

الموضوع الأصلي: رحله بريه | | الكاتب: الشامخ | | المصدر: شبكة بني عبس

[عايض بن صالح]

ياسلام عليك يالشامخ هيضتنا ياخوي

[عبدالقادر]

مشكور الله يعطيك العافيه

[ابو رائد]

ياااااااسلام عليك ياشامخ

رحله رائعه ونقل مميز

[عبس404]

مشكور اخوي على هالصور الروعة ورحله شيقه

[صقربني عبس]

بيييييييييييييييييييض الله وجهك على هالنقل الجميل
شوقتنا للمكاشيت