[نادر بن مساعد]

اسعد الله اوقاتكم بخير خير ومحبه وسلام

الى العذب المتألق

الشاعر

عايد خلف


هذه المتواضعه

اتمنى ان تنال اعجابكم

عايد خلف وين انت زانت طواريك=اشاعرن شعره يجيـب الحماسـه
اقدع من الجزلـه عـسالله يحييـك=بصب لـك فنجـال يقفـاه كاسـه
ابا ابعد الهقـوه وتلحـق هقوايـك=ابرك فاهـم دون منهـج دراسـه
الحب من دونـه قفلـة الشبابيـك=ن بعـد ماجاتـه يديـن النجاسـه
خليـت دربـه للقلـوب المهاليـك=حكمة قلبي فـي سلـوم السياسـه
عشقت درب العـز درب المماليـك=للي لهم منصب مهيـب ورياسـه
لقيت فيهـم رمـز دايـم يوريـك=ن المعـزه شـي يصعـب قياسـه
وعزيت نفسي عن دروب الصاعليك=للـي يحبـون الـردا والطفاسـه
اطيبهم اليا جيت رحب هـلا فيـك=ولقفيك فـي علبـاك بيـرز فاسـه
هذي مواريهـم وتكـرم مواريـك=اهل النفوس الهابطـه والخساسـه
بغير الموضوع واقـرب واحاكيـك=باخذ معك واعطي بضحك و وناسه
هاك السنه وشلون ضاعة مباديـك=وانـا عرفتـك ماتجـي بنتكاسـه
شفتك تبا الراحه وطحت بشرابيـك=يالعنبو ذا الوقت صعبـن مراسـه
في وقتنـا هـذا مصالـح وتكتيـك=من دون دهنت سير مايطيب راسه
اخذ الخبر مني وانا حيـل مغليـك=لون الذهب يبقـى ويفنـا نحاسـه
بكمل المشوار وامشـي واخاويـك=هذا طريق الفوز وتشـوف كاسـه
خصيت لك شعري وبالحرف ناصيك=واهديتك من الماس (مليون) ماسـه
لاتبطي الخطوه وعجـل خطاويـك=ياشاعـرن فيـه الذكـا الفراسـه

مغليكم / نادر بن مساعد

الموضوع الأصلي: الـــمـــاســـه .....الى ....عايد بن خلف | | الكاتب: نادر بن مساعد | | المصدر: شبكة بني عبس

[الجارح]

صح للسانك يانادر بن مساعد ع هالقصيده بالشاعر الكبير عايد بن خلف


ولاهنت ويعطيك العافيه

[سهل الجنيني]

صح لساااااااااااااااااااااااانك

[ماجد الذيابي]

صح لسانك ولاهنت

[نادر بن مساعد]

الجارح















صح ابدانك








ولاهنت على الرد

[مرزوق العجوني]

صح لسااانك يانادر ولا هنت على الرائعه وننتظر جديدك

[مسعود الرشيدي]

الشاعر نادر بن مساعد




صح لسانك على هذا النص الرائع




وتقبل منــــــــــــــــي فأأأأأأأأأأأأأأأأأيق الاحــــــــــــــــــرام

[نادر بن مساعد]

لاهنت يالجنين على المرور
















وصح الله ابدانك










تقبل سلامي