[ثامر بني عبس]

بسم الله الرحمـــن الرحيــــم



اخواني وخواتي رواد منتدانا الغالي
إليكم بعض اوزان وبحور شعر القلطه اوالمحاوره بالاصح
امل الاطلاع عليها لجل الفائده
7
7
7
7
7


( البحر الطويل ) ..
كقول لويحان فيه :


هاضني مرقاب عديت في عالي فروعه عصر والشمس حيه
ساقني سايق الاقدار لين الساق عدا براسـه مـن عذابـي
أه واعبرتٍ كنيتها ما أبديتهـا فـي حشـا روحـي خفيـه
مثل عبرة يتيمٍ ينزرونه نـزر والنـزر هضـام الشبابـي



*^* ( الحنيفي )
(( نسبة الى مبتدع هذه التسميه شاعر يدعى بحنيف أوالحنيفي لقبه ))


من صافي النيه... سـلام رديـه
والملعبه صافيـه والليـل قافيهـا
من خاطرٍ صافي.. حييت يا سنافي
والملعبـه شدهـا ليـاك ترخيهـا



*^* (( المربوع ))
كقول سليمان بن شريم :


والله اني فوقهم كني علـى مزعافي...مهـرةٍ لعابـه
لي ثلاث سنين يا صقران هذا حوفي .. بندقي مشعابي
انت يا راعي الغنم قد شافك الشوافي.. جوكم النهابـه
يوم تمشي بالجبال السمر كنك عوفي.. للغنم حلابـي



*^* ( اللويحاني )
كقول لويحان :


ألا يا مال فرقا العين الا يا مـال فرقـا العيـن
يا بعد الفرق بين الناس يـا خـلاق يـا كافـي
خطاه الزول صورة يحسب الجمعه ضحا الاثنين
يغر الاجنبي زولـه وفـي ملبوسـه الضافـي



*^* ( القصير )
كقولـــه ..

يا سلامي على كل الرجال
ردةٍ خاطـري غنابـهـا
هبت ارياحها شرق وشمال
والمعاني حسبت احسابهـا


*^*( المعوســر او العسيــر )
كقول مرشد البذالي :

1 بدا.. منهو حدا.. بالقيل .. وان تيـه العجفـاوي
ولا.. منى على .. الاصحاب.. نفسٍ تجـي دونيـه
2 عدا.. ذيب الندا.. في ليل.. مير احترس يالشاوي
ملا.. الناب العلا.. ون صاب.. ياخذ لحمتـه نيـه
3 غدا.. قولوا كدا.. ما قيل .. سبعٍ طمع به واوي
ولا..قولوا بلا.. شر شاب.. تطمـع بـه الحنديـه


*^* ( المخو مـــس )
كقـــوله ..

سلام والسلام مني والليلـه الملعـب ينـادي
الليله الليله لعبنا ما هبلك يا قلـب الشـرودي
تحيـة وفــاء يــا فاهمـيـن التماثـيـل
يا ناقلين الطرق عني من جنب الطاروق غادي
ان قالو العالم تعبنـا أنـا قويـاتٍ عضـودي
تعاليـل يـا هـل اللعـب هـذي تعالـيـل



*^* ( المســـــودس )
كقول مرشد البذالي :

اسمعو وافهمو رد الكلام يا سلامي على اللي يفهمون اقوال من قدم شريف الكلام بلا جزا
شاقه الولم.. واغرم يوم جابنه مطاليب حاجات الرفيق من عناله وجـب حقـه وصـار
ما لنا في تشعبات الكمام أنت يا من لكح بالرجم زولٍ زال واستدنا سلاح الشجاعه واعتزا
ثابت العلم.. وأفكر لين تدري طلب قـوم والا انـه صديـق لاتسـرع بتنفيـذ المغـار



*^* ( المنكــــوس )
كقـــــوله

سلام رديه.. لها راس وعيون... سلام رديه
الليله الليله .. بها أشكال وألوان.. الليله الليله
رده ومثنيه.. على اللي يغنون.. رده ومثنيه
كلن وتحليله.. الى كان ماكان.. كلن وتحليله



*^* ( المثــــــومن )
كقولــــه ..

وصلنا سل***.. ونفهـم كل****
تبي تركب البرج والبرج عالـي
ترفق وخل المشي يا رجل بالهون
لقيتك لقيتـك.. وأنامـا نسيتـك
تصلي الفروض وتبوق القرايـب
توضيت والا مصلي ما توضيت
تضلل علينا .. وحنـا درينـا
قيـل لاتكمـل ثمـان الليالـي
تصلون ولا يالربع ما تصلـون
عصيت القرابه.. نويت الحرابه
ماهو نافعك لو يقولـون تايـب
تقهويت ولا عندنا ما تقهويـت



*^* ( المــــربوط )
(( ربط بكلمة مكرره كقولهم :العالم الله ))

ياسلامي عليكم عد سمـوّا قبيلـه
قلتها من صميم الجاش والعالم الله
وين راح القبيل اللي ينومس قبيله
ما ربطنا عليها شاش والعالـم الله




** وهذا نظم أخر مربوط ايضا..
(( حيث تكرر جملة : المعني على سطح القمر))


يا شاعر الميدان لوتنخا فـلا تلقـا نصيـر
ادخل ولك مظهار والمعنى على سطح القمر
ترى الجمل عيبٍ عليه رغاه من عقب الهدير
خذلك بها مشوار والمعنى على سطح القمـر

0000000000000000000000000000
امل ان اكون وفقت فيما اتيت به

اخوكم - ثامر الرشيدي

الموضوع الأصلي: بحور واوزوان شعر المحاوره | | الكاتب: ثامر بني عبس | | المصدر: شبكة بني عبس

[مطلوب تغيير اسمه]

جزاك الله خير يا ثامر على المعلومات الطيبه وتقبل مروري

[ابوبيادر]

عز الله انك ماقصرت