[حامد عوجان]

صدفه وهو واقف يبي يفتح الباب=ناظر بنظره مسرعه ماقصدها
لكن بالنظره سبب سر الاعجاب=كن القلوب مخططات لوعدها
نظره بها فتنه ومن طرف جذاب=رادار قلبي يوم مرت رصدها
من مصدر نوره ماهو نور كذاب=ماهو تجاري نورها من بلدها
يرسل سهوم تطعن القلب بحراب=اشد من شلفا الزناتي وادها
يميزه مجروح تلعات الارقاب=اللي عيونه هن سبايب رمدها
وقلبي من اسهوم ادعج العين منصاب=في منبع الشريان دقت وتدها
لكن مالي كود احاول بالاسباب=واعيدها حتى يقفل عددها
اما يصير وصال يسوى للاتعاب=والا بلا عشره نطاول نكدها
نرجع لشوف الاهل ونشوف الاصحاب=حياتنا ترجع ويرجع سعدها

الموضوع الأصلي: تخطيط القلوب | | الكاتب: حامد عوجان | | المصدر: شبكة بني عبس

[فيصل الرشيدي]

صح لسانك ولا هنت يا مدور الفايده

[صالح سعود]

صح لسانك .. اخي الغالي

وسلم بنانك


يا مدور الفايد ه

[حامد عوجان]

فيصل الرشيدي مرورك زاد القصيده نور لاعدمناك

[أنكسارحلم]

صح السانك يامدور الفائده

قصيده جميله ورائعه

وان شاء الله من النظره القادمه تحقق الفائده للقلوب

تحياتي

[فهد المويسه]

صح لسانك

وقصيده رائعه

وتقبل سلامي