[فيصل ابن عدله]

أبو عبد العزيز , هو أحد جيراننا , وبينه وبين إخوته خصومة , القصة طويلة ومتشعِّبة , لكن نريـد أن نصلح بينه وبين الذي يصغره من أوِّل إخوته ,لأنـَّه يشكي من عدم زيارته له وجفاءه الغريب جـدا , حيث أنهم جيران .. وبينهم من البغضاء مايصل إلى الكفران بأكثر من حق ..

هذا ماقاله أحد إخواني في الله .. يريد قصيدةً موجـَّهة إلى أبو عبد العزيز وتكون بلسان أخاه ..

صحَّ النَعَس وانهض على بابك ضيـوف
مانأمـرك لـكـن نـذكِّـرك بالخـيـر
:
:
كريم وتئآثر علـى ضعوفـك ضعـوف
لا شـك مايلْحَقْـك بالجـود تقصـيـر
:
:
قلِّط لنا فـي عاجـل الطـرد مظـروف
تلقى بـه ضيوفـك بخطِّـي مساطيـر
:
:
في ظرف مايقدِّم علـى ظرفـه ظـروف
إقـراه واَقْـرِِهْ فـي بصيـر المباصيـر
:
:
لايبطـن ابياتـي علـى بابـك وقـوف
القـاف جاهـه/ والمعانـي معـاذيـر
:
:
إقـرأ بإسـم اللـي جمعنـا بمعـروف
ثـم(ن) جعلنـا عـن بَعَضْنـا مدابيـر
:
:
قَطْْع الرَحِم فقر وعذاب وشقى وخـوف
قطعه كمـا قطـع الشهـوق المزافيـر
:
:
تكفا يا بو عبد العزيز اسمـع وشـوف
إسمع رجاي وشـوف للوضـع تغييـر
:
:
أنـا دخيلـك عَنْـك آمـن ومرجـوف
من هول ذنب(ن) مالنـا بـه مخاشيـر
:
:
لا ياشقيقي ليـه يـا أووف مـن أووف
وش بك عليِّـه بالجفـا والتكاشيـر ..؟
:
:
أنا طريدك مـن رَحِـم يغـزل الصـوف
في كُرْه ينقض كُـرْه/ مَوْلِـد وتصبيـر
:
:
ونعـم لـك صدقـان يوفونـك وتـوفِ
وماعـلـي زود بصـداقـة وتقـديـر
:
:
ماني على بعـض المواضيـع ملقـوف
لكن أنا اولـى بالصداقـة مـن الغيـر
:
:
أبطى الرجا بالوصل ضامـي وملهـوف
لهفة كسيـر جنـاح عجـزان لايطيـر
:
:
لا تذبح الرجوى على حينها ب ( سوف )
هـذا عشمنـا فيـك قبـل المغـاديـر
:
:
لاعاش راسك (إ)يتنفَّس علـى كتـوف
إحسب حسابـي زيـن بيـن المساييـر
:
:
والله ماتـعـدِّي جفـايـاك وتـطـوف
على الغضب من غير ( فقر ومخاسير )
:
:
عجِّل وفـكَّ البـاب ضيفانـك حـروف
القـاف جاهـه/ والمعانـي معـاذيـر

الموضوع الأصلي: قـَطع الرحـم | | الكاتب: فيصل ابن عدله | | المصدر: شبكة بني عبس

[العريض]

بارك الله فيك اخوي فيصل حمد العويمري (بن عدله صح والاّ انا غلطان)


عموم نرجع للموضوع الله يحمانا وياكم من قطع الرحم

ابدعت اخوي فيصل لاهنت تقبل مروري مع التحيه

[فيصل ابن عدله]

لااخوي منت غلطان يبن العريض انا ابن عدله لاكن انا من زمان اكتب الشعر ولي قصايد على قناة جده وا فواصل

ولي دعوات على امسيات شعريه بتبــــــــــــوك الوردوفي مناسبات كبيره
وهذا كله يدل اني من قبيله معروفه وتبني أشعر ماهو أشعر الي يبنبها بل بلعكس هي تبنيه
ونا بنيتلي من شعري عنوان وبنالي شعري امجاد

ونا اتشرف برفع راس قبيلتي وتبييض وجوههم وهذا شرف لي كبير

وشكرا ً

وهذا اسمي بلكامل لئن دوم اواجه اسئل بهذا الموضوع من انت ونا اجاوبكم ولي شرف بكم وبقبيلتي وفخذي

أخيكم :: فيصل ابن حمد ابن عيد ابن بركي عدله العويمري الرشيدي

ألهوايه "" أولاً عشق كرة القدم و شعر وركوب الخيل

[ادري طيبتي غلطه]

صح لسانك على هالابداع واعجبتني بعض الابيات وحبيت اهنيك عليها
ومنها هالبيت

قَطْْع الرَحِم فقر وعذاب وشقى وخـوف
قطعه كمـا قطـع الشهـوق المزافيـر

قال الرسول صلى الله عليه وسلم( لا يدخل الجنه قاطع رحم)

والله يكفينا شر القطيعه

تقبل مروووووري

[ذكريات]

صح لسان الشاعر ..
وكلش ولاقطع الأرحام ..
والله يعطيك العافية ..

[شاعر العنزه]

السلااااااااااااااااااااااااااااااااام والحتراااااااااااااااااااااااااام


انا ابصراحه اول مره الدخل المنتدا ونا قريت شعرك وعجبني شعرك وقريته ببعض المجلات

وتقبل احترامي وناضفت اميلك وبينا لقاء ومسيات شعريه ودعوه لك بتشريفها وشكرا ً

وتقبل خالص تحياتي

لاعاش راسك (إ)يتنفَّس علـى كتـوف
إحسب حسابـي زيـن بيـن المساييـر
:
:
والله ماتـعـدِّي جفـايـاك وتـطـوف
على الغضب من غير ( فقر ومخاسير )
:
:
عجِّل وفـكَّ البـاب ضيفانـك حـروف
القـاف جاهـه/ والمعانـي معـاذيـر

[آدم وحواء]

السلام عليكم ورحمة الله وبركاته

صح لسانك اخوي فيصل علي هاالابيات والموضوع الرائع

ومشكور كل الشكر والله يعطيك الف عافيه لا عدمنا من جديدك

اختك :*****آدم وحواء*******

دمت مبدعا ومتألقا بإذن المولي عزوجل