[عبس404]

ياهاجسي ود الروابع وجبها=درج بها خبت الضلوع المهاديف

واصرف لحنها من نفايس ذهبها =حشمة عسير مدسمة شارب الضيف

في ليلة متجلي حسد ابها= للشعر صوت وللقصايد مواقيف

رد السلام اشهى من الغيم وابهى= لاحاشته ريبه ولا داخله زيف

سلام يا امير على قمة ابها=يزهى شموخك نايفات المشاريف

سلمت لابها يابشاير شببها= يامن يلوم ابها وفي كفها السيف

هدوا لها الحر العديم وعجبها=جت له على كيفه وجاها على الكيف

مرت سنه والفيصلي ماحسبها=لين استهلت له من الرجم للسيف

رتب ظفايرها وكحل هدبها= والبس ترفها زاهيات النفانيف

حتى ليا مر المطر واصطحبها=تلعب معه لعب الثنين المواليف

امهل لها لين النعاس يغلبها = واضفى عليها مشلح العز رتبها

فيصل ولد خالد معلي رتبها=هذا الامير وخل عنك السواليف

وسلامتكم



منقوله من مجلة قطوف

الموضوع الأصلي: الزعيم يمتدح الامير فيصل بن خالد | | الكاتب: عبس404 | | المصدر: شبكة بني عبس

[سعد بن عادي]

الزعيم ابو فيصل موافقه تشرف وحضوره يرفع الراس


وقصيدة تعد من النوادر .

بيض الله وجهك اخوي عبس 404

ودمتم كما تحبون

[راس العرب]

مشكور اخوي