[رشيد]

تهديد من شاعر متمكن ....



الناس ليل وحبهم شفّ وارياح

* وما شوف غير النور شي يسدك

صعبة تحصل ودهم دون مصباح

* يعني بدون اخلاق محد يودك

خلك وسيع الصدر والبال منساح

* تكسب قلوب وعكس ذلك يلدك

واحذر تصير اللي بالاسرار بواح

* لا طروا الأنذال كل يعدك

وترى القدر ما يرتفع صعب لا طاح

* والهرج عن حب الخلايق يصدك

ياللي تقول إني عن الهرج منزاح

* ليه الحكي بالناس دايم يشدك؟

لا تعتدي بالقول وتقول مزاح

* ترى الخطا للذل والله يحدك

لسانك الجراح لو كان مداح

* ما يسترك والثوب ما هوب قدك

لا تستفز الحرف والبال مرتاح

* مخلاب قافي لا يوسم بخدك

الحلم سجن الغيظ والسب مفتاح

* وانت بكلامك تعتق الشر ضدك

ولا صار شري نار والهرج قداح

* وانت الورق، لا تشعل النار حدك



أسم القصيده وشاعرها :
لا تشعل النار
========
فيصل بن سبيّل الباهلي

الموضوع الأصلي: لا تشعل النار | | الكاتب: رشيد | | المصدر: شبكة بني عبس

[سعد المظيبري]

يعطيك العافه علي النقل يا اخوي رشيد

وصح لسان قايلها فيصل بن سبيّل الباهلي

[رشيد]

يسلمكم ربي ويسعدكم

صح لسان شاعرها ولاهنتم احبتي

[ابو محمد العريض]

مشكور رشيد على النقل


تحياتى

[الـشـقـاوي]

مشكوررر خيووووو

[ناصر عبدالله]

* تكسب قلوب وعكس ذلك يلدك

واحذر تصير اللي بالاسرار بواح

صح لسان الشاعر
وتسلم على ذوقك ونقلك الرائع
بنتظار جديدك
تحياتى

[برق الوسم]

يعطيك العافه علي النقل يا اخوي رشيد

وصح لسان قايلها فيصل بن سبيّل الباهلي

[عبدالله بن عدله]

@مشكووور وصح لسانك@