[سيف عبس]

شاعر قادم للساحة الشعرية بقوة ان شاء الله أتمنى له التوفيق:

ياغافر الذنب والأمال منصوبه=الآدمي غره الشيطان بآماله
أراجع النسك والأعمار محسوبه=والنفس أمارة بالسوء محتاله
وأنا برجاء صاحب ذنبي من ذنوبه=أقفاء وتركني على بحر الشعر عاله
أنشدت فيه القصيد بحزن وعذوبه=وخليت شخصيته بالشعر مختاله
رفعت قدره...وعيبه يستره ثوبه=سويت له ماعلي...ومالي وماله
لو إن حزني عليه...إسراف وعقوبه=بأكذب على نفسي...وبرجي لمرساله
أنشد هبوب الشمال إن جات من صوبه=وأقول كيفه عقب هجري...ووش حاله؟
وأمني العين في شوفه ولو نوبه=وأبطى الرجاوي وشوفه ماتهياله
لين إن يأسي قتل رجواي...بإسلوبه=واللي بقى من الأماني...شوفت عياله
وإن مات قبلي تزايد صعبه صعوبه=وإن مت قبله عزاي إنه بقى لحاله.

محمد شعيب المنزل

الموضوع الأصلي: شاعر جديد وقصيدة جديدة | | الكاتب: سيف عبس | | المصدر: شبكة بني عبس

[خلف العايضي]

سيف عبس


صح السانك وننتظر الأحلى يالذيب

[الاجهر]

صح السانك تسلم

[شامخ الشامخ]

الله الله ..
مبدع الشاعر محمد بما تعني الكلمة ..
لازلت احتفظ بأكثر من 20 قصيدة لهذا الشاعر
وايضا ً اكثر من 35 قصيدة لشاعر اخر لا يقل ابداعا عنه .. الشاعر يوسف بن سالم


لك التقدير على هكذا نقل
اخوك ابو نايف

[محمد السنيني]

قصيدة جميلة

[مبارك نافع]

مشكور ياسيف عبس والله يعطيك العافية فانك تاتي بكل شي جميل وشكرا

[مرزوق العجوني]

صح لساااانه ولا هنت اخوي سيف عبس وتقبل مروري

[ابو محمد العريض]

صح السانك اخوى سيف عبس