[أبو فايز العويمري]

أبنشد الشعار والحلاله = واللي لهم بالعرف دور اوخبره
ياويش بنتن للبشر محباله = من صادته يكسب دروس اوعبره
مااتصيد للي يمدحون افعاله = صيداتها اللي ماعرف وش قدره

من الغاز أخوكم / أبوفايز العويمري آمل أن ينال اعجابكم

الموضوع الأصلي: أبنشد الشعار والحلاله = اللي لهم بالعرف دور اوخبره | | الكاتب: أبو فايز العويمري | | المصدر: شبكة بني عبس

[الوافي ابوصالح]

السلام عليكم
صح لسانك اخوي ابوفايز حبيت امسي عليك بالخير وافتح الرمعات ولاتواخذني بالرمعه المستعجله
وش رايك بالكفاله

[عبدالله]

اظن انها البورصه

[أبو فايز العويمري]

الاخ محلل الالغاز الوافي ابو صالح مالك لواء ورمعه ممتازه

[أبو فايز العويمري]

الاخ عبدالله شاكر ومقدر مرورك والرمعه مالك لواء

[ماجد الذيابي]

الاخ ابوفايز اذا ماخاب ضني السجن والله الكافي

[أبو فايز العويمري]

الاخ ماجد عوض الذيابي شاكر ومقدر مرورك والرمعه مالك لواء

[عايض بن صالح]

الاخ ابو فايز يمكن تكون الخيانه اوسرقه