[مهل الرويضي]

السلام عليكم ورحمة الله وبركاته


بعد غياب سببه الظروف .. وحضور دافعه المحبه والتقدير
لكم انتم ..

أنتم اصحاب الفكر .. قارئي مابين السطور .

( حصري )

أنا لي صديقٍ ياهل الخير فيه اشقيت = سما فكر .. وأرض ظلوع .. وسياسة معلم
يعاني وأنا من مايعاني منه عانيت = يقولون .. مالك حق .. صابر ومتألم !
ظلوعي من الظيقه لعزه ملاذ وبيت = اذا ظاق من غيري زبني ولا سلم !
لو أني لخاطر من جرح خاطره داريت = أبرتاح من ظلمه ولاني بمتظلم !
ولكن شموخي .. ينبذ سياسة التفويت = ودهن السيور .. وعنجهة طلعة السلم
لو أن بزمان ( العولمه ) صرخة التصويت = هي ( الثوره ) اللي حققت حلم .. متعلم !
أبجمع ظلوعي وازبن النايفه وعليت = اذا صحت لهل الصيت ماشفت متكلم !
تعبنا .. نشوف مسلسل الشوت والتثبيت = ونرثع بدرب العنصريه .. ونتولم !
وتعبنا .. نوجه ظايع الراي كيت وكيت = ونحطه مع الصف الامامي ويتبلم !
تدور السنين .. ونشكي .. الظيم والتشتيت = ونسعااا ورى ماكان نملك ! ونتحلم !
من اسباب ( متفقين مانتفق ) قاسيت = عذابين : شحن نفوس والصف متثلم
صراع الطوائف ( داخل البيت ) ياهل الصيت = وجوده يكفي .. وجهه المشرق يظلم !
تدور السنين .. ونشكي .. الظيم والتشتيت = ونسعااا ورى ماكان نملك ! ونتحلم !
أبدمح .. واسامح .. واعترف بالخطا لخطيت = ماهو عيب .. لاصار الهدف شملنا ينلم !
ومن قال ( صلى الله وسلم على آل البيت = بكيفه ) وصلى الله على محمد وسلم

الموضوع الأصلي: ^^ صـراع ألطـــوائف ^^ | | الكاتب: مهل الرويضي | | المصدر: شبكة بني عبس

[أنكسارحلم]

أبدمح .. واسامح .. واعترف بالخطا لخطيت==ماهو عيب .. لاصار الهدف شملنـا ينلـم

صح السانك يابن مرزوق على هذه القصيده
ون كان تبيلك طاروق على الطائر اقرب جاي

هههههههههه

[بندر الذيابي]

أبدمح .. واسامح .. واعترف بالخطا لخطيـت ماهو عيب .. لاصار الهـدف شملنـا ينلـم !

صح الله لسانك يامهل


ابداع رائع وكلمات جميله ومتناسقه


قد يكون عتب وقد يكون لوم لصديق

المهم ان صياغة مهل الرويضي زادتها جمالاً


تحياتي لك وننتظر جديدك

[مرزوق العجوني]

صح لسانك يامهل ولا هنت على الرائعه وتواجدك اسعدنا طال عمرك تقبل مروري

[مسندالعويمري]

صح لسانك الله يعطيك العافيه


شاعر متمكن ولك بصمه واضحه ولاهو غريب الابداع على مهل الرويضي

[خلف العايضي]

صح السانك يالرويضي

تقول

ولكن شموخي .. ينبـذ سياسـة التفويـت
ودهن السيور .. وعنجهـة طلعـة السلـم

قصيده جميله من شاعر جزل لا يرضى الا بالجزاله \


لاهنت يالغالي على هذا الابداع


تقبل التحية والتقدير

[مهل الرويضي]

اقتباس من مشاركة ناصر الشويلعي أبدمح .. واسامح .. واعترف بالخطا لخطيت==ماهو عيب .. لاصار الهدف شملنـا ينلـم صح السانك يابن مرزوق على هذه القصيده ون كان تبيلك طاروق على الطائر اقرب جاي هههههههههه

نااااصر



حضورك يكفيني وبيض الله وجهك



ويشرفني اللعب معك لكن خلها بوقتها .



تقديري لك

[مهل الرويضي]

اقتباس من مشاركة بندر الذيابي صح الله لسانك يامهل ابداع رائع وكلمات جميله ومتناسقه قد يكون عتب وقد يكون لوم لصديق المهم ان صياغة مهل الرويضي زادتها جمالاً تحياتي لك وننتظر جديدك

بندر


حضور افتخر فيه واطراء محل اهتمام .



ربما يكون كذالك ولكن !!



تقديري لك