[عبدالله الشقل]

هذه محاورة شعرية جرت بين الشاعرين مطلق حميد الثبيتي وعلي خلف الهجلة في إحدى الليالي العامرة بالشعر.

مطلق الثبيتي:

المطيري يبي له قاف يطرح عقاله

والعتيبي يعرف اللي يغث المطيري

جابه الله عزيز الملك قبل انعناله

تحت رأسه علوم ومحتزم بالسواري

علي الهجلة:

المطيري من العتبان مفتك حاله

لو يطري لهم سبعة وسبعين طاري

جيتكم بعد جاني من طرفكم رسالة

والرسالة ملاحظلي عليها شواري

الثبيتي:

حولك الوضع متوتر وحالتك حالة

وانت تكفخ بجنحانك ولا انته بداري

قلت لك ريّح اعصابك وعطني وكاله

قلت والله ماوكل لو تجر الجواري

الهجلة:

ما يسوق القدم للموت غير الجهالة

والجهل عافني وارخى رقبته لغيري

تحسب انك بهذا العلم كاسب جماله

لو اوكلك في دعواي خربت داري

الثبيتي:

المطيري بدت يمناه تصفق شماله

حك راسه وطارت من يديه القماري

لو يريح هواجيسه ويقصب حباله

قبل بتعب ويصدم في حدات الكباري

الهجلة:

يا الثبيتي تجر الحبل فوق المحالة

تسحبه بالرضا والا تجره جباري

باقي العلم خله عنك مالك وماله

في يدين القروم موردين الشباري

الثبيتي:

لا انت صاحب سمو ولا انت صاحب جلالة

انت شاوي حياتك كلها في الصحاري

جيت اعلمك واوريك درب الشكاله

ولو شليويح يدري بالخبر جاك ساري

الهجلة:

واحدٍ قبل نوصل له جفل من خياله

ما يحق اله يضحك من سباع الغداري

طول الأيام واقف عند باب البقالة

ما يعرف العلوم إلا يا شاري يا شاري

يسرني ان انقل لكم هذه المحاوره بين اثنين من عمالقة المحاورة
عاى مستوى الجزيرة العربيه
الشاعر الكبير:عيد بن مربح الرشيدي
الشاعر الكبير:صياف بن عواد الحربي

بن مربح


سلام ياهل الحفل وابغي صفوف يسمعني
ثم ازهمولي علا صياف يثبت في مكانه
اللي يقابل وسيع المعرفه مايستمني
اللي يبا الملعبه يقلط وله شيك بضمانه


السحيمي


قلب المولع تولع فيك ياصوت المغني
لكن ابو زيد لولا الغيد ماتعب حصانه
انا تبعت الليالي والليالي عذبني
والرجل يطلق لسانه لين يتعب في زمانه

بن مربح


اليا كسبتم عوايدكم سباع(ن) يكسبني
ذا اليل قدمك جبل يابن العرب ماهو ليانه
انا مورى بكم يوم السوالف ياصلني
والله لاقلد مغير الذيب وامشي بمشيانه

السحيمي

كم واحدآ يحمس القهوه ونجره مايدني
مدري يباها سياسه غافيه والا لعانه
اسمع كلامي وعلم به ورد العلم عني
ان كان حصلت خاين قول له خل الخيانه


بن مربح

نجورنا قلطآ يوم النجور يقلطني
واهل القلوب الذهينه طيبها بس الذهانه
انا احسب ان المهندس قبل بالتصميم فني
واثره يبوز مسامير التريله بالصبانه

السحيمي

راع الغنم يزرع الحنا ويعرف للتحني
يشوفه احمر يحسب انه عصير البرتقانه
من راح زعلان لعله يروح ولايثني
حنا لقيناك ياالبارود وسط الجبخانه


بن مربح

الله يساعدك واللي غابنن قلبك غبني
من لحقه الحف يدهن شاربه باتلى دهانه
ليت الليالي عن اهل المعرفه مابرزني
اظني اكسب من اهل المعرفه عرف وحصانه

السحيمي

قابلت شهب السباع مع الطريق وقابلني
واللي قليبه صخيف كيف يلقاله متانه
لعل قلب العنا يصل البحور ويرجهني
اما صحى القلب والا مرجت فيه الجنانه

بن مربح

انا قريت الحيايا الرقط حتى صاحبني
ولقيت درب الشجاعه خير من درب الجبانه
سبحت سبع البحور بقدرة الله مااغرقني
والعرف ماهو ياراع المعرفه باالخيزرانه

محاورة بين الشاعرين :
الشاعر الكبير: عبدالله المسعودي
الشاعر الكبير: مطلق الثبيتي

"المسعودي"

ماني باجيب الفصاحه غير عند الفصيح *** امشي مع الناس واعطيها قوانينها
ام الصفا والصفيح اللي من أول تصيح *** راحت على موت أبوها حنيت ايدينها

"مطلق"

بعض المعاني تعنيني وانا المستريح *** وام الموازين لا تصغى موازينها
قلب بنعمه وقلب من زمانه جريح *** قبل امس تقسى وهذا اليوم يالينها

"المسعودي"

أنا على مرقب عالي بديت استضيح *** وان ام عامر تهز انصاب سكينها
الهجرة اللي يامطلق جان تنفح نفحي *** أيعيش نمرود ويموت مسكين

"مطلق"

يازند ياللي على الايام تقدح قديح *** ليالك السود ماترقد شياطينها
اشوف لي شيخ في نعمه وكفه شحيح *** حتى الحضارم مشارك في دكاكينها

"المسعودي"

اشوف قربه عقيد القوم ينضح نضيح *** والثوب الابيض تغرق بينه وبينها
(؟؟؟) لو جرها يمكن عراها يطيح *** (؟؟؟) شربان من ماها ومن طينها

"مطلق"

النار من تحت قدرك مير عيا يفيح *** خلا العرب للعشاء تدني مواعينها
يقولون باب يجي ياصاحبي منه ريح *** سده وتسلم من الدنيا ومن دينها

"المسعودي"

ولد (؟؟؟) يوم غنى لام خد مليح *** مااحد يلومه وهو مفتون في زينها
الذيب ماهو عشاء لام اللبن واللتيح *** ان شافت الذيب الاشهب دنهرت عينها

"مطلق"

ولد (؟؟؟) مبتلش فام الصفا والصفيح *** اللي ليا شافته رفت كراعينها
(؟؟؟) على الاجواد تضبح ضبيح *** والسوس من ظهرها واصل ضلاعينها

"المسعودي"

قمرية الفن الاخضر ملحها مايميح *** الحب في حلقها ماياصل ابطينها
ان اباا امدحك ماينفعك المديح *** ان كان ماجبت للقصه براهينها

وأرجوا التثبيت لا يروح التعب بلاش وهذه محاورات جميله

الموضوع الأصلي: هذه محاورات لشعراء مميزين على الساحه | | الكاتب: عبدالله الشقل | | المصدر: شبكة بني عبس

[ابو براك الرياض]

الله يعطيك العافيه

[عبدالله الشقل]

الله يعافيك