[سعد الشقل]

السحيله

مرحبا با المنتدى وضيوفه وكل القرايب=عد مـن صلى وصام وزار مكـه والمـدينـه
ودنا نلعـب على المعـنى ونركيها لهـايـب=ومن بغا يقلط على الطاروق يبشر بالسمينه

سعد الشقل

البقى يالشاعر المغوار عند اهل الحرايب=في محل ابنا رشيد وبالمواقف جاهزينه
احتزم ياصاحبي مدامها هبت هبايب=ومن تقدم للحمول الكايده يالله تعينه

السحيله

والنعم بك يالشقل من يوم شفتك جيت نايب=في محل اهل الوفا والطيب وانتم كاسبينه
محتـزم لـك ياسعـد لاجات حـزات الطـلايـب=الـــدفـاع مجهـزيـنه والهجـوم مجـهـزينه

سعد الشقل

ماعليكم زود وانت شاعر ن منت بهايب=سر قافك بالمعاني سر قافك بالثمينه
احتزملي يالسحيله بالبعاد وبالقرايب=واكثر الشعار فاهم مير عنهم مادرينه

السحيله

شفت لي رجال حي وفوق راسه كم نصايب=فيه ناس ن تشمته لو هي على مله ودينه
دنيـته ماشفـــت فيها غـيـر تنــكيد وعـجايـب=والاكـيد انه معـاصـر واطلـب الله لايهيـنه

سعد الشقل

خلقت الدنيا وفيها امن العجايب والغرايب=مير ربي يرحم الميت ويصبر والدينه
وشفت لي رجال مثل ابليس ملعون الصلايب=مايجيب الا الفشيله ولا يشيل الا الغبينه

السحيله

انت غيرت الطريق وغصت في بحر النشايب=ومن يموت اليوم حنا في طريقه مقتفينه
اللعين ابليس لو تبنا ترى ماهو بتايب=دايمن يسعى وراء الفتنه وخطواته لعينه

سعد الشقل

فوق راسك يالسحيله هلت امطار السحايب=وابتلش راع السفينه بالسفينه وراكبينه
يجمع القراش جمعه لاجل يشتب الشبايب=وانت جمع ن جامعينه مدري جمع ن حاذفينه

الموضوع الأصلي: سعد الشقل × السحيلة | | الكاتب: سعد الشقل | | المصدر: شبكة بني عبس

[بنت العبسي]

صحت السنتكم محاورة رائعة وتنظيم اروع ماشااء الله

يسلم يدينك يااااااااااااارب اخوي سعد

[ابو براك الرياض]

اااااااالله يعطيك العافيه