[**الرشيدي**]

اصدق شهادة هي شهادة الاعداء لخصومهم
هنا نورد بعض القصائد لبعض شعراء القبائل المشهورين في مدح قبيلة عبس
والذين كانوا في الماضي من الد اعداء بني رشيد ولكن نحمد الله على نعمة الاسلام والامن و
الامان فالجميع اليوم اخوان بفضل الله سبحانه وتعالى



شعراء القبائل في نسـب بني رشيد:

ذكر غير واحد من الشعراء الذين ينتمون إلى غير قبيلة الرشايدة نسب قبيلة الرشايدة وأنهم من عـبس ومن الشعراء من ذكـر ذلك تلميحاً على الأصالة في الحسب والنسب كقوله :
طيب الجد والخال
عريب الجدودي
من نسل شقران
من سلايل قبيلة
وياحر ونحوه
1- الشاعر عبدالرحمن العطاوي العتيبي :

وهو الملقب بشاعر (( هوازن )) حيث أن قبيلة عتيبة تنتسب إلى هوازن العدنانية وللشاعر ديوان بإسم (( ديوان هوازن )) وللشاعر قصيدة موجهة للشاعر سعدان بن عابس الرشيدي وقد ذكر فيها نسب الرشايدة ونختار منها مايوافق موضوعنا :




هلا عدد ما هلل المحرم وكبر = وطاف وشاهد الركن اليماني
بعبسي النسب جزل المثايل = خلافة عنتر العبسي ضماني




والقصيدة أطول من ذلك وقد أجابه الشاعر سعدان بن عابس الرشيدي بقصيد على نفس الوزن والقافية وجاء فيها :



أضفت بتالي الأسم الإضافة = وقلت الصدق والمعنى دعاني
أقول إن سلايل عبـس حنا = منزحت الأعادي بالطعاني
لنا تاريخ يشهد بالشجاعة = وفي مـس الكرامة ما نداني
نعز الجار والضيف ان لفانا = قراه الطيب والحيل السماني
سلايل عبـس معروفٍ نسبنا = مثل ماقلت في قول نصاني
رجالٍ العرف تدري بالحقيقة = ولا يكمي الصيحي إلا الهداني


2- الشاعر عايد رغيان الشراري :

وله قصيدة موجهة للشاعر حباب السندي الرشيدي ونذكر منها ما يوافق مضمون الموضوع وهي :



مشكور يا ابن عبس بالأعراب = ضمن البوادي يا زبون المخلاه
مادام رزقي كافله رب الأرباب = والعبد ماله غير صدقاه تقواه
والشمس تشرق بالسما والهوى هاب = والكون واللي به مخاليق مولاه
عندي شهادة كان للحق طلاب = لا أريد حسناها ولا أريد جزواه
ماني من اللي يذكر الحق بحساب = وأنتم بعبـس ولا بذلك مراواه
غطفان بيته ماسكينه بالأطناب = وأنتم عموده رافعينه بمبناه

1
3- الشاعر عبدالرحمن طلق الخويتم العتيبي :

وله قصيدة مرسله للشاعر موسى بن عمران الرشيدي ومنها قوله :



لكان دور من بني عـبس مقباس = مقباس الظلما بليل الغلاسي



5- الشاعر ناجي سعد الصندلي السبيعي :

وله قصيدة موجهة لأحد شعراء الرشايدة وقد جاء فيها :



أشغلتني وودعتني تقل حماي = بين العرب دايم أهز بعصايا
منك وعشيرك ماتسوي سواياي = انشد بني عبس السباع الدهايا
وانشد سناعيس الجبل وابن عصاي = وهوازن اللي يكسرون الغزايا
وميمون حمران النواظر وعلواي = وعناز لا لحقو خلاف الخلايا
وحرب العريضة لا دعا صوت دعاي = كم طاح في دقلاتهم من هفايا
وجمع البرية كلها تسمع نداي = أني مدورها وطرح لقايا

1
وللشاعر قصيدة يرد بها على الشاعر العقيد بن منصور بن قعبوب وجاء في قصيدته مايلي :



عندك قريبة من بني عبس الأشراف = ماهي بيم الصوب ومغرزاتي




5- الشاعر عبدالله بن عبار المعنى العنزي :

هو صاحب كتاب (( أصدق الدلايل في نسب آل وايل )) وله قصيدة طويلة في مدح قبيلة الرشايدة نذكر بعض منها وهي :



قلنا الحقائق والخطا مالنا به = نترك مجاله مالنا فيه مقصود
ونرد قيل اللي الفخر يلتقا به = درب الرذيلة بابها عنه مسدود
ياشوق من يزها الأصابع خضابه = نشمية ماله شديا مع الخود
من عزوةٍ يثنون يوم الحرابة = نطيحهم يقفى من الطعن مسرود
في ساعةٍ والسيف يقطر انصابه = والجو يقد حبة باريد بارود
بني رشيد اللي تفك النشابة = منسبهم حظة ضعيفاً ومقرود
يوم الفعول أو يوم دور المجابة = دور النضا والشلف والخيل والقود
بعصور من حث المطايا ابعقابه = كلن هجينه ساريا العقب ملكود
كم خيراً صنديد ما ينصخا به = مقدام غوش ولابساً جوخ ماهود
رموه يوم العج يسمك ضبابه = دوار صيد أو بينهم صار مصيود
عقب العليا خلوه يشكي صوابه = من عقـب ماهو صايلن عاد ملهود
يوم انثنا يشمت شوير غزا به = يابا القطيع أولا خذا منه مفرود
عقب الطمع صار الغنيمة ركابه = ياريف من جاكم من الوقت مضهود
مدحتكم ياهل الفخر والمهابة = ياريف من جاكم من الوقت مضهود
نعمن بكم يوم الرشا بكترابه = أو نعمن بكم والدور بسهود ومهود

وله أيضاً



ليا جيت بن سندي فدوة الدعابيل = عطه الرساية للفهيم يهجاها
من لابةٍ تنطح قبال المقابيل = رشايدة بالكون يقهر عداها
ليا طار ستر منظفات المجاديل = قبيلة تحجي ويذري ذراها
ولا قبل بالمخلوق مير المكاييل = أدخل على الله مانشح بعطاها
قبيلة ما أذمها بالمفاعيل = من زان حظه باللفا ما شناها
يا ما بهم من خيرين قواتيل = نمر ليا خم الفريسة رماها


6- الشاعر حمد المطبوخ الهاجري :

وله قصيدة في مدح براك ناصر النون الرشيدي وجاء فيها :



مجذوب من ربعٍ لهم صيت وعلوم = ما هو بخافينا ولا هو بيخفاك
واللي ينافق عند الأشراف مذموم = يقوله اللي معجبٍ في سجاياك



7- الشاعر محمد خلف الخس المطيري :

وله قصيدة موجهة للشاعر حميد الذيابي الرشيدي رحمه الله وفيها يقول :



وانصفق مقضى تاصل لحية يدينه = لو يباري القطاة اللي تقلب سبقها
أشقر من نسل شقران متخيرينه = من حرارٍ يعرفون الرجال وامعمقها
أوصله شاعرن كل العرب خابيرنه = كم بيوت مثل نظم الجواهر طرقها
هو حميد الرشيدي كلكم عارفينه = المعاني مع أهل العرف يفتح نفقها


8- الشاعر عبدالرحمن عتيق الجهني :

وله قصيدة قالها في الشاعر حميد الذيابي يقول فيها :



ماجاب بالمعنى ضعيفة وميله = معذى جنابه عن كلام الخمالي
أنا أشهد أني من سلايل قبيلة = بني رشيد اللي تحل الشكالي
ياحب نفسي للرجال الجميلة = اللي معانيها هي شف بالي



9- الشاعر شباط الظفيري :

وله قصيدة ونختار منها :



من لابةٍ يفرح بها كل معسور = بني رشيد بطيبهم واقفيني
واللي هقا فيهم من الناس مسرور= والطيبين بذكرهم بينيني
تاريخهم في صفحة المجد منشور = على طريق العز متكاتفيني


10– الشاعر عبدالمحسن بن نعس بن دهيوب الشمري :

وله قصيدة في مدح عبدالله مساعد البغيلي :



يابن مساعد طيب الجد والخال = من لابةٍ جزل العطا هو مناها
من ماكرٍ بالطيب يفعل وفعال = صعلول الرجال اللي تناحي عداها
عقب البغيلي يا ثوا غالي المال = جزل المواتر ماتكفى عطاها
من لابةٍ ما طاوعت كل عذال = يوم القوامة حقها من خذها
بني رشيد اللي بها المدح ينقال = عز الرفيق ليا كدابه رشاها



11- الشاعر سعد بن حميدة الحربي :

له قصيدة يمدح بها فارس من المضابرة وهو ابن حنيه في معركة محيوة ونذكر منها :



ابن حنيه يعتزي باصل عريب = حظه كبير وبندقه قد جابها




12- وهنا الشاهر مطني رسام الشمري يقول في بني رشيد :



بني رشيد تبذل المال والزاد = واليا لفاهم الضيف قالوا هلا به
وشيوخهم تعطا السبايا بلا عداد = ومن صار بوجه نحورهم الذيابه
ودليم أبن براك نعمٍ بلا عداد = راع الفعول الطيبة والنقابه
فتح سلومٍ طيبة وبالفخر ساد = شيخ الشيوخ وكل ربعه تهابه
13- وقد قال الشاعر شليويح غازي الحربي مخاطبا حمود بن سرور الرشيدي في قصيدة طويلة نذكر منها:



انتم شداد العز وانتم ردوفي =قبيلة لها بالمغاريف غراف
رشايدة لاعد جمع الصفوفي =رمايهم غالب على كل هداف


اخوكم:**الرشيدي**

الموضوع الأصلي: بني رشيد تبذل....... | | الكاتب: **الرشيدي** | | المصدر: شبكة بني عبس

[مسندالعويمري]

هذي قصايد تاريخية بمعنى الكلمة وبرهان قاطع على عراقة بني رشيد وشراستهم، وروح التحدي لديهم



بصراحة كلنا فخر بمثل هذه القصائد التي تحكي التاريخ المشرف ...

وكلنا فخر برشيد العبسي ونعم فيه والله

قصص ومعارك خالدة لن ننساها ....

مشكوريالرشيدي** وماقصرت وكثرالله من امثا لك

تحياتي اخوك مسندالعويمري

[عيسى المويسه]

لاهنت


موضوع رائـــع




بيض الله واجهك




..

[سعد بن عادي]

بيض الله وجهك أخوي الرشيدي

على جدك واجتهادك ونقل الرائع

[**الرشيدي**]

اشكركم جميعا

[الوافي]

اشكرك اخوي على النقل الجميل
واقول الله يعطيك العافيه

[فهد المويسه]

مشكور على الموضوع الرائع

وتقبل سلامي

[خاتم الرشيدي]

هذي قصايد تاريخية بمعنى الكلمة وبرهان قاطع على عراقة بني رشيد وشراستهم، وروح التحدي لديهم



بصراحة كلنا فخر بمثل هذه القصائد التي تحكي التاريخ المشرف ...

وكلنا فخر برشيد العبسي ونعم فيه والله

قصص ومعارك خالدة لن ننساها ....

مشكوريالرشيدي** وماقصرت وكثرالله من امثا لك