[عابرسبيل]

حبيب النور ) .. ويصافح يمينه = ودايم بالوفاء .. مبدا التبايع
حقايق منبعه .. تجعل عرينه = مناجم .. منتهى حفظ الودايع
هذاك ..( الليل ).. لا غطّت يدينه = على ارض ٍ .. نصها بالنور ذايع
خلقه الله .. على حكمه متينه = بديع ٍ .. سخّر آياته بدايع
جعله الله .. ( سبات ) ..لعابدينه = بعد طرد المعيشه .. والمتايع
صلاة ٍ بآخره .. برد وسكينه = وصلاة ٍ قبلها .. حفظ وشفايع
مع الثلث الاخير .. لمدعينه = نزل .. رب السماوات الرفايع
عطى رزقه .. فقارى ٍ طالبينه = وحقق .. مطلب الناس الضرايع
ذكره اللـَـه .. بآيات ٍ مبينه = و امر فيها .. ( التدبّر ) بالصنايع
وانا .. بآصف جوانبه الرزينه = واروّض .. كل حرف ٍ فزّ ثايع
بأوصّف .. واجعل ( الشعر ) الرهينه = ما دامه .. موهبة خير ونفايع
واخاطب .. نعمة ابنادم .. ودينه = وعقل ٍ .. ميزته سد الذرايع
نعيش الليل .. والروعة سمينه! = وننسى روعته .. عند المنايع؟
مزايا الليل .. مع دورة سنينه = مثل ماهي .. ( روايع في روايع )
غموضه ( علم ) .. يذهل باحثينه = غموض ٍ .. ما اكشفه فكر وسمايع
سِتر .. سر الجميع .. وعاشقينه = تحت ستره .. يفلون الشرايع
اذا ( صمته ) .. على اسرار ٍ دفينه = ترى ( همسه ).. مواصيل وقطايع
براده .. لا اسدل استار السكينه = طموح ٍ للبشر .. بـأيّة طبايع
ظلامه ..( وجه ) .. في عالية زينه = بأصفها وصف .. بدروب السنايع
بأقول .. ان ( القمر عينه ) .. وعينه: = ( شهر ) .. لا غض طرف ٍ كان جايع
واقول ان النجم .. سامر ضنينه = تلالا بالسماء .. حب ودفايع !
تلالا .. يعكس النور ويبينه = ولو حال السحاب !! العذر شايع :
اكيد الشوق .. لا حرر سجينه = يذوّب ما حمل .. في كل خايع
هطوله بوح !! لا عانق جبينه = له الديجور غنى .. بوح رايع
( منامه .. بحر ) .. وايدينه سفينه = ركبها .. شاري الدنيا وبايع
ذبوله ..( عقد ) .. تكريم لقرينه !! = مع ..( اول نور).. يبدا الليل ضايع
ويصحى النور .. وتقوم المدينه = وذروة شوقهم .. رد البضايع
خفوت النور .. ( نفحة ياسمينه ) = بعثها نور .. واغضى الليل طايع
تعاقب ما اختلف .. بينه وبينه = محدد دورته .. رب الشرايع
عجيب الليل !! والله لا يهينه = خذاني شوق .. واتحفته بدايع!
اعيشه حب .. لو ما اسمع حنينه = يكفّي .. راحتي .. لا نمت ضايع
اعيشه حزن .. بأوقات ٍ حزينه = واعيشه حب .. واهديه الودايع
احب الليل .. في قسوه ولينه = فريد الوصف .. محمود الطبايع

شعر/شامخ الشامخ

الموضوع الأصلي: حقايق منبعه .. تجعل عرينه | | الكاتب: عابرسبيل | | المصدر: شبكة بني عبس

[ابو عبدالعزيز]

شكراً لك اخي الكريم على نقلك هالدرروصح لسان الشاعر وسلمت يمينك

[مسندالعويمري]

صح السان الشاعر شامخ الشامخ


ومشكور ياعابرسبيل على نقلك

[ماجد الذيابي]

صح لسانك وشاكرلك

[رواية]

عجيـب اللـيـل !! والله لا يهيـنـهخذانـي شـوق .. واتحفتـه بدايـع!
اعيشه حب .. لو ما اسمـع حنينـهيكفّي .. راحتـي .. لا نمـت ضايـع
اعيشه حـزن .. بأوقـات ٍ حزينـهواعيشه حـب .. واهديـه الودايـع
احـب الليـل .. فـي قسـوه ولينـهفريد الوصـف .. محمـود الطبايـع
قصيده في منتهى الروعه صح لسان قائلها وناقلها

[عبس404]

قصيده جميله ورائعه

ويسلموو