[عابرسبيل]

هجس القوافي تسارقنـي عوانيسـه=مدري على راي ولا من ضما ياسه
لكن وعدنـا قبـل تينـع مغاريسـه=ميدان خيل اللزز لمصافـح افراسـه
اعفاه فكر البرى واطلـق محابيسـه=ولحق على ساقتـه قفلـه وحباسـه
يقـوم الحـرب لادقـت مراويسـه=وينـوخ السلـم ميقافـه ومجلاسـه
لادقـت اقفـول بيبانـه حواسيسـه=وخيول هيضه القفر الجزل عساسـه
وتراقصت في سمى فكري هواجيسه=هياه نص القصيد وطيـر اعماسـه
علي من جوهـره لحـذي مفاليسـه=سلاسته عن ركيك الهـزل نبراسـه
اجمل من الغيد بالمعنـى معاريسـه=كن الجواهـر مشمعتـن بقرطاسـه
وش حال وزن الذهب لولا مقاييسـه=لولا عياره وش الفضه من انحاسـه
الشعر نفرق جويده مـن هلابيسـه=ان عودت للكلام ونعـرف اقياسـه
يادابغه دبـع مـن بايـد هداريسـه=مامعك قدرة كفا هالجوهـرة ماسـه
وش محرقن حب رزك من نسانيسه=تسحب شليل الظلام وتطفي اكباسـه
ظليمتك ماحرقت طبخت محاميسـه=يكرم عن النقد منك ولا انت من ناسه
ماقلتها لجل اخيفك فـي تضاريسـه=ول اله من الصخريا مكتب ودباسـه
ولا طاش مثله مثل من طاوع ابليسه=اعوذ بالله مـن نزغـه و وسواسـه
اعوذ بالله مـن نزغـت وساويسـه=الحمد للي جعل لـه درع وحراسـه
لكن حديث القصيد وهيض احاسيسه=حطم لجام السكون وشـب مقباسـه
لعيون قوم ٍ تسامـو مـع نباريسـه=قوم ٍ علو رفعته لين اشتعـل باسـه
قـوم ٍ تبنـت حماياهـم نواميـسـه=في كفة الثقل ترجـح وزن ورياسـه
هـذول لعيونهـم وزنـه وتاسيسـه=ولا انت مثل الفراشه وزن وجناسـه
عن كسب مايذخر المرجان في كيسه=مايقبل السوم فيهن لو علـى راسـه
تنويه قدام تمضـي بـك نواحيسـه=مادام تشرب زلال العفو من كاسـه
العذر والضوء الاخضر يامدابيسـه=يالي عليكم وشاح الشعـر ولباسـه
هذا قصيدي اليـا هـدت قرانيسـه=ايبيض الوجـه ميقافـه ومجلاسـه

شعر / سهل نافع

الموضوع الأصلي: كن الجواهـر مشمعتـن بقرطاسـه | | الكاتب: عابرسبيل | | المصدر: شبكة بني عبس

[ابو عبدالعزيز]

شكراً لك اخي الكريم قصيده رائعه وصح لسانك وذات معاني فريده من نوعها بيض الله وجهك ومن اعلى الى اعلى

[مرزوق العجوني]

صح لسان الشاعر ولا هنت على نقلها لنا يالغالي

[بنت العبسي]

قصيدة في غاية الروعة الله يحميك كلمات رائعة معاني اروع

[عابرسبيل]

صح بدنك اخوي ابوعبدالعزيز وصح السان سهل

[موسى بن سيار]

الأخ الفاضل عابر سبيل


احسنت علي هالاختيار لهذه القصيده ...



وصح السان شااعرها سهل بن نافع ...



تقبل فائق احترامي وتقديري