[عبدالباري عبدالعزيز]

أيها الجحش

السلام عليكم ورحمة الله وبركاته

الرسائل تجي و تروح ملها دعيه= ياعميلٍ ثمان اسنين فوق الثريا
بعد عيد ارمضان وقبل عيد الضحية= تلحق اللي سرا فيهم حصان الحميا
أتحرا الردود . وكن مافيه نيه= لا سلامٍ هناك.. ولاردودٍ هنيا
جيت اسلم و سواها عليه قضيه= وين اوديك قلي ياسعادة محيا؟
شر مايضحك الإنسان شر البريه= الجحش حط رأسه في عمار العليا
كيف اعامل خويٍ مانشد عن خويه = نوب بين السحاب ونوب بثياب. ريّا
والوفاء للخوي عندي لزومٍ عليه= لاوالاصحاب في هالوقت ياطير هيا؟؟؟

الموضوع الأصلي: من عبدالباري إلى الجحش | | الكاتب: عبدالباري عبدالعزيز | | المصدر: شبكة بني عبس

[أنكسارحلم]

ابيات رائعه لكن هذا شهر عباده ياعبدالباري ماهو شهر قصيد
والجحش معتكف في احد الاوديه حسب المصدر السري بتاعي
واذا تبغى تتئكد انشد وضاح اليمن هههههههههههههه

[عبدالباري عبدالعزيز]

اقتباس من مشاركة ناصر الشويلعي ابيات رائعه لكن هذا شهر عباده ياعبدالباري ماهو شهر قصيد والجحش معتكف في احد الاوديه حسب المصدر السري بتاعي واذا تبغى تتئكد انشد وضاح اليمن هههههههههههههه

هلا ابو خالد مبارك عليك شهر الصيام ومشكور على المرور
مااظن يعرف الاعتكاف الجحش ألا إذا رابطه ابو يمن بالغصب ههههههههههه

[القزم]

[خالد البغيلي]

مــــــــــبارك عليكم الشهر وعساكم من عواده

[سعد الفلاح]

اقتباس من مشاركة عبدالباري عبدالعزيز أيها الجحش السلام عليكم ورحمة الله وبركاته الرسائل تجي و تروح ملها دعيه= ياعميلٍ ثمان اسنين فوق الثريا بعد عيد ارمضان وقبل عيد الضحية= تلحق اللي سرا فيهم حصان الحميا أتحرا الردود . وكن مافيه نيه= لا سلامٍ هناك.. ولاردودٍ هنيا جيت اسلم و سواها عليه قضيه= وين اوديك قلي ياسعادة محيا؟ شر مايضحك الإنسان شر البريه= الجحش حط رأسه في عمار العليا كيف اعامل خويٍ مانشد عن خويه = نوب بين السحاب ونوب بثياب. ريّا والوفاء للخوي عندي لزومٍ عليه= لاوالاصحاب في هالوقت ياطير هيا؟؟؟

صح أللسانك أخوي عبدالباري على القصيده التي تستحق الأعجاب ولايستغرب عليك الأبداع هاذه ونتمنى أن يأتي الجحش لكي يجاري هاذي الدرر المكنونه

وبيض الله وجهك ولاهنت يلغالي

ولكم مني أجمل تحيه وكل عام وأنتم بخير

[الجحش]

عبدالباري عبدالعزيز

والله والنعم

أيها الجحش

نعم
السلام عليكم ورحمة الله وبركاته
عليكم السلام ورحمة الله وبركاته

الرسائل تجي و تروح ملها دعيه= ياعميلٍ ثمان اسنين فوق الثريا
الرسائل على المكشوف ماهي خفيه = لو تخفّي وأخفّي ماعلى الله خفيّا

بعد عيد ارمضان وقبل عيد الضحية= تلحق اللي سرا فيهم حصان الحميا

ماتغيّر ضلام الليله الخرمسيه = بين خيّال عبس وبين خيل المحيّا

أتحرا الردود . وكن مافيه نيه= لا سلامٍ هناك.. ولاردودٍ هنيا

امس اسلم عليك ولا ترد التحيه = لين وسوست بي وأنا موسوس بليّا ههههههه

جيت اسلم و سواها عليه قضيه= وين اوديك قلي ياسعادة محيا؟

يوم سلمت قلنا مرحبا فيك ميه = وانت يوم السلام تصد عني كذيّا ههههههه

شر مايضحك الإنسان شر البريه= الجحش حط رأسه في عمار العليا

إضحك إمن الجحش لاعلّك تصير زيّه = تصعد البرج كان الحظ وافق ماعيّا
كيف اعامل خويٍ مانشد عن خويه = نوب بين السحاب ونوب بثياب. ريّا

انت تخطي ولكن مأعتبرها خطيه = اعتبرها مثل كلمة مشينا وهيّا

والوفاء للخوي عندي لزومٍ عليه= لاوالاصحاب في هالوقت ياطير هيا؟؟؟

والله اني خويّك بالعزوم القويه = ميرشف غيرها ياهوه ماهي بهيّا

تقبل تحيات اخوك الجحش

[سعــدعبدالعزيز]

شر مايضحك الإنسان شر البريه= الجحش حط رأسه في عمار العليا
إضحك إمن الجحش لاعلّك تصير زيّه = تصعد البرج كان الحظ وافق ماعيّا
كيف اعامل خويٍ مانشد عن خويه = نوب بين السحاب ونوب بثياب. ريّا
انت تخطي ولكن مأعتبرها خطيه = اعتبرها مثل كلمة مشينا وهيّا
والوفاء للخوي عندي لزومٍ عليه= لاوالاصحاب في هالوقت ياطير هيا؟؟؟
والله اني خويّك بالعزوم القويه = ميرشف غيرها ياهوه ماهي بهيّا