[بشير الزبني]

اخواني اعضاء ووزار شبكة عبس ,,, إليكم هذه المتواضعه ...

الناس قل السنع فيهم = قاموا يعيدون ماضيهم
ياكثر مابيتوا نيه = للشر والموت قافيهم
وانا على الدرب ازلبهم = مانيب راجي حسانيهم
غنيت قافي على معنى = والصوت مرسل لاذانيهم
تغير الوضع يالصاحب = صار اول القوم تاليهم
قاموا يحدونها حدي = مير ان ربك موطيهم
نأخذ عليهم من القاضي = صكٍ يبعد مساريهم
الله خلقنا على مبدا = لو قربونا نعديهم
ما نشتري ودهم مره = واللي معاهم يواليهم
حنا هل الطيب ربعٍ له = والقوم حنا مباديهم
نستاق الامجاد للقمه = لو بينوا بعض خافيهم
حنا ربينا على عزه = ما نلتفت في حكاويهم
ما نطلب الزود من خلقه = حنا من الزود نعطيهم
نسرى على نور ماضينا = ما ننشد الناس وش فيهم
قد جربونا وعافونا = طوي السجلات نطويهم
ماخاشرونا على حاجه = لكنهم قل واليهم
ظنوا يمسون قيمتنا = على طريقة بناخيهم
لكنهم ضيعوا الطاسه = ضاعوا وضاعت هقاويهم
واليوم وشلون ماازجرهم = واذب دلة قهاويهم
حتى يعرفون وش معنى = مردود الأول لتاليهم
وان المقادير دواره = عن بعض الامثال تنبيهم
قل السنع فيهم العاده = قاموا يعيدون ماضيهم
وختامها ياصلاة الله = على نبيٍ يقديهم

الموضوع الأصلي: الناس قل السنع فيهم !!! | | الكاتب: بشير الزبني | | المصدر: شبكة بني عبس

[bent-al.3absi]

صح لسانك

شاعرنا الرائع : بشير الزبني


كلمات صادقة متوجة بذكر المولى عز وجل أضأت بها أركان

منتديانا فزداد بها ضوءً .

..... سلمت يداك ....

[الاجهر]

حتى يعرفون وش معنى
مـردود الأول لتاليـهـم
وان المـقـاديـر دواره
عن بعض الامثال تنبيهم

---------------

الاخ بشير الزبني صح السانك وعلا شانك

واجمل تحية لك

[*العبسي*]

قل السنع فيهـم العـاده
قاموا يعيدون ماضيهـم
وختامهـا ياصـلاة الله
علـى نبـيٍ يقديـهـم

الاخ بشير الزبني صح السانك وعلا شانك

واجمل تحية لك