[خليف الوهيداني]

يالعين وين أنتي عن النوم يالعيـن=هالليـل نومـك مبعداتـآ ظعونـه
والله لو أنك علـى النـوم تبكيـن=النوم حال الضيـق دونـك ودونـه
مير الصبري لا عاد للقلب تشكيـن=ويزيد قلبي مـن عذابـك طعونـه
وتكفين لا تزيديـن مافـي تكفيـن=مابي خفي مابا البشـر يبخصونـه
والسد لا منه طلـع بيـن الاثنيـن=قامـوا مقاريـد البشـر ينشرونـه
والصبر مفتاح الفرج ذكـر بالديـن=وكم واحدن شاف الفرج في عيونـه
والله فرج ليوب عقب مرضآ شيـن=وعقب ماذاق من الحيـاه المهونـه
عقب ماكل جسمه من الدود ثلثيـن=جاه الفرج مـن واحـدن يرتجونـه
كل البشر أهـل غنـاه ومساكيـن=لـه يرفعـون كفوفكهـم يطلبونـه
لواحد الفرد الصمـد فـارج اديـن=عالم باغيب الخلـق لـو يكتمونـه
يالله يافـارج مـن العسـر لليـن=يامن تسوق الريح بامـره مزونـه
لرضآ دهر يبس شجرها من سنيـن=ومن الدهر هشم وماتـت غصونـه
يامرجعله عقـب ماصـار قسميـن=عـوده ولا فـآ الهبايـب ركونـه
ياكتبآ عشرة عمر بيـن شصخيـن=ذكـر وأنثـى بسـنـة يتبعـونـه
ومن أدم وحـوا خلقـت الملاييـن=وفرقت بين الخلـق شكلـه ولونـه
اسود وابيض بس بالخلـق لونيـن=والشكل أحسب أرضآ بها يسكنونـه
هذا من أمريكا وهذا مـن الصيـن=وكـلآ بشكلـه ولغـه يعرفـونـه
وكل لـه مذهـب وديـن وقوانيـن=ومشى بطريق أهلن قبـل يعبرونـه
يامعاملـن بنـي سرائيـل بالزيـن=وموفر(ن)مايطلـبـون ويبـونـه
خلقه ونفذ ماطلبوا وهـم طاغيـن=وكـرم نبيـن بالطلـب يرسلونـه
عنهم عفى في كل ماهـم ماسويـن=وهـم كتابـه كـانـو يحرفـونـه
ويوم أنهم خانون وصاروا شياطين=وخوفه وعفوه واصلـوا يجهلونـه
من تحتهم ارضه جعلها بـرا كيـن=وخل الا من في بيوتهـم يفقودنـه
وخلقه سوى عنده بكـل الموازيـن=كانوا عـرب والا عجـم بالنمونـه
ماكـرم الا خلـق لجلـه مصليـن=له يسجـدون وبالخفـا يسئلونـه
اللي لهم في ماكتـب رزق راضيـن=وماجا منه لو هو شقـى يقبلونـه
اللي على كتابـه ومافيـه ماشيـن=ومارسل رسولـه فيـه ماينكرونـه
ذولى الرجال اللي بالفعـال وافيـن=واللي وسـام المرجلـه يلبسونـه
اللـي بحـب الله والعـز ناشـيـن=واللـي رزقـه الله مايحسـدونـه
هم الذي عاشـوا بربـح الحياتيـن=وعند المصيبـه ربهـم يشكرونـه
واللي باعيب الناس ماهو مضاهين=والله سترمـن شوفهـم يسترونـه
وعاشوا عزيزيينآ وماتوا عزيزيـن=واللي مشى درب الخطا ينصحونـه
يـاالله ياكافـل حيـات المعاقـيـن=يارازقـن طيـره وسبعـه بكونـه
يارب ياللي ماتبا يكون فـي حيـن=ياناصـر بالديـن مـن ينصرونـه
مامجريـن دم البشـر بالشرائييـن=عفوك قبـل لـي القبـر يحفرونـه
يـارب لا منـي تركـت المحبيـن=ابا الستر والخيـر لـي يذكرونـه
وعفوك من ذنوبـآ عليـه ملاييـن=بايومآ به العالم جبـر يحضرونـه
يومآ حضوره مايحصل فيه بعديـن=يومـآ تغيـر فيـه أمـن حنونـه
يوم أختبار اللي باهالعمـر لا هيـن=اللي ورا مـال الشقـى يطردونـه
وبالعمر ماسـروا بعيـد وقريبيـن=وماحصلـو باوجيههـم يلهمونـه
ولا همهم ناس من البعـد عانيـن=وقريبهـم والـجـار مايقـدرونـه
ناسآ سعـاره بالحيـاه ومجانيـن=أقرب قريب ليـا حصـل ياكلونـه
وقت السعه بالهرج ماهو بسطيـن=أقـوال والا الفعـل مايضمنـونـه
ولا شفتهم تقول وش هالسلاطيـن=الطيب لـو أنـه بحـر يشربونـه
ووقت الشدايد ماحدن فيهـم أيبيـن=والبـاب للمحـتـاج مايفتحـونـه
والطيب لـو انـه لناسـآ غنييـن=ان كـان ثلثيـن العـرب يتركونـه
ماطاب بالموال كامـل والبابطيـن=اللـي بلـد باموالهـم يعمـرونـه
الطيب ملك اللي على الطيب ضارين=لو الفقر عضـت أيديهـم أسنونـه
اللي لهم بالطيـب ذكـر وعناويـن=لو هو سبب في فقرهـم يشترونـه
اللي كرمهم مـع بعيديـن وادنيـن=وخـف القـدم للمرجلـه يتعبونـه
ولا يذبحون ليطفهـم دون ثنتيـن=لو أنهـا ديـن وعقـب يدفعونـه
واللي لهم ذكرآ يسـر الحجاجيـن=ويحشمـون الظيـف ويكرمـونـه
وكلآ يراقب كلمتـه قبـل لا تبيـن=الهـرج قبـل بدايتـه يفحصونـه
من شان ماياتون بالهرج مخطيـن=ومن جا خطاه بلا سبـب يدبونـه
وليا عطوا يعطون رؤس البعاريـن=شطرآ قبل مقيـول زلـت حتونـه
قوم(ن)بفعل الطيب دايـم ماسميـن=طبع(ن)ولـد معهـم ولا يتركونـه
سبحان من له يسجدون المصليـن=خـلاق كـون النـاس مايعلمونـه
وجيال تخلق فيـه وجيـال فانيـن=وكـل حفـظ للجيـل مايفعلـونـه
تحفظ قصص وشاعر وسط الدواوين=وحين بقى عن مامضـا ينشدونـه
وتبقى علوم الطيب والطيب يبيـن=والا الردي منسـي قبـل يدفنونـه
وعزي لحال اللي عن الطيب مقفين=ينـزلـون الــراس مايرفعـونـه
واللي فعولـه ماعليهـا باراهيـن=هرج الكذوب النـاس مايهرجونـه

الموضوع الأصلي: يالعين وين أنتي عن النوم يالعيـن | | الكاتب: خليف الوهيداني | | المصدر: شبكة بني عبس

[فهد المويسه]

صح لسانك على القصيده الجزله والرائعه

وتقبل سلامي

[كاسب المرجلة]

صح لسانك قصيده رايعه
;);););)

[مسندالعويمري]

كيف

وكم

كنت رااائعا


لله درك على صدق النبض


للامام

[عبدالعزيز الخياري]

الله الله يابن خزيم قصيده وافيه من وافي وشاعر متمكن نكن له كل احترام وتقدير

ابيات رغم طولها لكن لم أمل من قرأتها

[مرزوق العجوني]

صح لسانك يابن خزيم دائم ماتجيب الا الاصيل من القصايد تقبل مروري