[البدر المهاجر]

[FRAME="13 70"]لاجيت ابنسى .. واتراجع .. واسامحك
صاحن جروحي واشتكن لـي طعونـك
كلك خيانه قول .. وشلـون ابمنحـك
وش موقفك من شخص .. دايم يخونك
اكبر خطا لو جيت يمـك .. اصالحـك
اوّل تحـول .. لا تغـر ك .. لحونـك
اللي تقوله صح .. لو كنـت جارحـك
(مير) انت غارق للاسف في ظنونـك
وصفك نسيته بس .. باقـي ملامحـك
بنهيك وانهـي .. بالنهايـة جنونـك
ماتستحـق (امـد) كفـي واصافحـك
مثلك غلط عمري .. وابحيا .. بدونك
لعبـت دورك شاهـدات ٍ مسـارحـك
خدعتنـي واظهـرت خافـي فنونـك
كنت اعتقد قلبي هو ابـرز مطامحـك
اللي يبيع النـاس .. لجلـه يصونـك
تعبت اسوق الشوق عندك واصارحـك
اخلصت لك بالحـب شوفـة عيونـك
لكن خسارة صـرت غايـة مصالحـك
ياليتنـي ماجيـت .. لحظـة بكونـك
بالامس كنت بنشوة الحـب امازحـك
اخيل برقك .. واتحـرى .. امزونـك
واليوم من صفحة حياتـي ابمسحـك
هديت صرحك ثـم طاحـت اركونـك
ولابي عيوني لـو تصـورت تلمحـك
اعلنت موتك وانسجـن لـي كفونـك
وان جيت تطلب ترتجينـي اسامحـك
بهد يك طعنة مـن بقايـا .. طعونـك [/FRAME]

الموضوع الأصلي: بهد يك طعنة مـن بقايـا .. طعونـك | | الكاتب: البدر المهاجر | | المصدر: شبكة بني عبس

[عبدالعزيزالعويمري]

يعطيك الف الف عافيه

وصح لسااانك

والله انا شدني عنوان القصيده

وجت بوقتهاا

الف شكر لك

[بنت العبسي]

البدر المهاجر

كلمات قوية للغاية امتزج فيها قوة الحب مع الكبرياء
وقعت هذه القصيدة على مسامعي وجوراحي كوقعت الاسد على فريسته
فأخذتني الى عالم آخر ...

سلم الله يداك وصح لسانك ولا اعدمنا الله هكذا قصائد
تداعب الاحاسيس والواقع الذي نعيشه في اعظم احساس وهبنا اياه المولى

[ابوعمرالعبسي]

صح لسانك

[عبد العزيز]

الله يعطيك العافيه

تقبل مروري

[عاشق المستحيل]

صح لسانك قصيدةرائعة

[البدر المهاجر]

[FRAME="14 70"]عبدالعزيز العويمري
بنت العبسي
ابوعمر العبسي
عبدالعزيز عايض
عاشق المستحيل
اشكركم من أعماق قلبي على ماقدمتوه من تواضع بقدومكم وتشريفكم متصفحي المتواضع

تحياتي لكم بالتوفيق

اخوكم
البدر المهاجر[/FRAME]

[ابو عبدالعزيز]

اقتباس من مشاركة بنت العبسي البدر المهاجر كلمات قوية للغاية امتزج فيها قوة الحب مع الكبرياء وقعت هذه القصيدة على مسامعي وجوراحي كوقعت الاسد على فريسته فأخذتني الى عالم آخر ... سلم الله يداك وصح لسانك ولا اعدمنا الله هكذا قصائد تداعب الاحاسيس والواقع الذي نعيشه في اعظم احساس وهبنا اياه المولى