[رشيد]

الـمــــشـــــــــــــــــــاريـــه
==============
مرس بن مسير بن طواله




نجامل ونخجل وذبحتنا المشاريه

** من كل صوب الواسطات ابلشتنا

واليوم ما نلقى صديق نحاكيه

** كل تبعد ما يقرب جهتنا

الوقت ماني من جفا الناس شانيه

** اشنى رجال يوم شان انكرتنا

ياوقت يامعلن علينا تحديه

** لا تحسب ان سياستك مزعلتنا

إن عاش راسي وان نوى الله يحييه

** وكان الليال المقبلات أمهلتنا

ما همنا حاسد كثيره دواديه

** وقل الوفا باللي طلع من تحتنا

حنا إليا جار الزمان وبلاويه

** كم من ضعيف ظللته شجرتنا

هذا زمان منقلب قل واليه

** فيه المهايط والطبول أسدرتنا

وانا النفاق ومشطه الجوخ ما ابيه

** شيـبـانـنا صدق الـنبا عـلمتـنا

من جا نجيه وكل من صد مانجيه

** هذي قوانين بالارض حكمتنا

واللي نسانا مالك الله نطريه

** ننسى عفون قبلنا قد نستنا

الموضوع الأصلي: الـمــــشـــــــــــــــــــاريـــه | | الكاتب: رشيد | | المصدر: شبكة بني عبس

[بركه الداموكي]

صح اللسانكـ ياراعي القصيده على القصيده الرائعه

[بنت العبسي]

تسلم يدينك والله قصيدة صاااااادقة ورائعة

[رشيد]

يسلمكم ربي ويسعدكم