[بندرأبن طريف المظيبري]

(اهداء الى كل رشيدي بالكويت وخارجها )

عبسي رشيدي وافتخر بالرشيدي \\\ رشيد عقل وبالمواقيف رجال

مثل الجبل لاهب ريح(ن) شديدي \\\ يثبت مكانه ماتحرك ولا زال

خوّة شرف نور الزمان السعيدي \\\ خوينا يشهد على كل الاحوال

رجل المكارم جعل عمره مديدي \\\ يعطيك حقك بين مخرج ومدخال

ماقول عن كل القبايل نزيدي \\\ الاصل واحد تختلف فيه الازوال

والدين يرفع قدر رجل(ن) وحيدي \\\ لاعزه الله للصعيبات حلال

والطيب بالرجال ذخر ورصيدي \\\ شهادته بالحق للطيب مرسال

شفت السحايب والمطر له رعيدي \\\ يالله سقية خير لاهل همال

عساه ينبت منه حب الحصيدي \\\ والعزم شال الحمل لو صعب ينشال

ابوي علمني وعلم عضيدي \\\ رجل(ن) بلا ربع(ن) مصيره للاهمال

رجل(ن) كما مخلاب حر(ن)يصيدي \\\ ما مات ذكره دام خلّف له عيال

ربعي هلا الطولات سقم الضديدي \\\ مثل البحر لاقام يصفق على الجال

الناس ما تصبر على ما تريدي \\\ عوايد الايام من حال لي حالي

يا جاهل انشد تستفيد وتفيدي \\\ عن سيرة(ن) عطره على مر الاجيال

لاتلتفت لافكار ذاك العنيدي \\\ شمس الرشيدي ما تغطى بمنخال

واللي على بعض السوالف يعيدي \\\ مايشره العاقل على هرج جهاّل

ما ينصف العقيل عقل البليدي \\\ لاصار لا ناقض ولا هو بفتاّل

امسجل تاريخ عبس المجيدي \\\ حنا سلايل عبس ذربين الافعال

يوم انها ما بين عبد (ن) وسيدي \\\ سادت قبيله عبس والضعف غربال

فرسان تذكر بالزمان السعيدي \\\ سواة عنتر خاض في عبس الاهوال

لو كان مستعبد سواة العبيدي \\\ من صلب حر(ن)فارس(ن) طيب الفال

من فعله اللي ذاب منه الجليدي \\\ أجبر كبار القوم تحقيق الآمال

فارس وسيفه بالمعارك يبيدي \\\ عن الف فارس تنضرب فيه الامثال

شاعر قصيده معجزات القصيدي \\\ علّق على بيت الحرم عذّب الاقوال

لولا رشيد الزول رايه سديدي \\\ عبس استباحت بين رجلي وخيال

والعبسي سموه العوارف رشيدي \\\ تحميه من حيلات غادر وحيّال

من عصر ابن خطاب وابن الوليدي \\\ العبسي فعله غير والعمر زوال

اسلم وسلم رايته للعقيدي \\\ دافع عن الاسلام بالروح والمال

نعم رشيدي ضربتي من حديدي \\\ طاحت على راس المزور والانذال

في مصر بالسودان ربعي وكيدي \\\ في نجد بكويت العرب ذكر الابطال

برتيريا بالشام في كل ميدي \\\ قبيلة(ن)دايم غلاها على البال

تشهد بلدنا كل فعل(ن) حميدي \\\ بالحرب منزال وبالسلم منزال

من عهد الاول لين عهد الجديدي \\\ حنا ذراها عن خبيثين الاعمال

عن ماقف(ن) فيه الفخر مانحيدي \\\ الشوخ تعرف ماقف العز ما زال

حب الوطن دم بحبل الوريدي \\\ مالي غناة(ن) عنه والحق ينقال

صباح عز(ن) للقريب البعيدي \\\ اميرنا اللي يعدل الوضع لامال

طبعه مجمّل بالمقام الفريدي \\\ لاقال يآمرنا على الخير لاقال

الله على كل الخلايق شهيدي \\\ يحاسب المسلم على القيل والقال


وسلامتكم


صح لسانك يا شاعر الأحداث

عبد الله مبارك الردعان

تقبلوا تحياتي اخوكم ...هرم عبس
بندر أبن طريف المظيبري الرشيدي

الموضوع الأصلي: (اهداء الى كل رشيدي بالكويت وخارجها ) | | الكاتب: بندرأبن طريف المظيبري | | المصدر: شبكة بني عبس

[عبوس]

صح السان شاعرها ياهرم انا واحد من جمهورك العريق والكبير

[سـعود المضيـبري]

صح الله لسان شاعرها وصح الله لسان ناقلها

والف شكر لك اخوووي

[بندرأبن طريف المظيبري]

اقتباس من مشاركة عبوس صح السان شاعرها ياهرم انا واحد من جمهورك العريق والكبير

يا هلا ومرحبا فيك لي الشرف عزيزي الغالي
الله يعطيك العافية منور لبا قلبك

[مفارق حائل]

صح السان شاعرها عزالله انه ماقصر


كفو ياالذيب على النقل

[المقبل]

صح لسان شاعرها ومشكوررر على النقل ياهرم عبس

تقبل مروري

[بندرأبن طريف المظيبري]

اقتباس من مشاركة المقبل صح لسان شاعرها ومشكوررر على النقل ياهرم عبس تقبل مروري

نورت المقبل الله يحفظك
تحياتي

[ابن الصميدي]

صح لسان شاعرها وتسلم يمينك على النقل