[عم الشعراء]

يطـير الشرار وكل ناراً لها شباب..
ومن ولع النيران يصبر على الصالي..

تجارب حياتي معجزة والدروب صعاب
ولقيت الرجال أنواع وألوان وأشكالي..

صديق الشدايد لاخذا منك علم وجاب..
وسيع الصدر يضحك ولا هو بزعالي.

صديق الشـدايد ما ينافق ولا يغتاب..
يدله غـريب الدار ويزّبن الجالي..

وصديق الرخاء عقّاب ومصادقه عقّاب
شجاع الحكي والمدح بالقيل والقالي.

صديق الرخاء ماغير صوره ولبس ثياب
ياليته يبرقع ماله شماغ وعقالي..

وعندي نصيحة جد ماقلتها لعاب..
أقول الصحيح ونايم القلب يصحى لي..

ترى خوة أهل الطيب يالطيبين أطباب
يطيب السقيم وخوة اللاش سلالي..

تغانم شبابك يا أبيض الوجه دامك شاب
ترى البدر لو يطلع قمر عود هلالي

فلا تهجر المسجد وخلك وراء المحراب
ترى روضة المسجد لها منزل عالي..

ولاتترك اللي يزهمك خايفٍ مرتاب..
ترى الذل ما نجى الثعل بالتحيالي..

ولا للنداء غير الفداء لو تروح إرقاب
ومن ضاع شوره ياخذ الشور ويمالي..

ومن باشرك بالعذر لا تلحقه بعتاب..
ولا تشوف نفسك شيخ والناس عمالي

ولاتهين نفسك لوتجي بين ضرس وناب
وهيبتك لا تنقص ولو ربع مثقالي..

وبنت الردي لا يعجبك زينها الجذاب.
تراها كما المخـيال خيل وتخيالي..

ولوشفت حمر خدودها والثمان إعذاب
لابدك تمنى ليت ما جالك عيالي..

ولدها ليا شاف اللقاء والملاقى هاب..
ذليلٍ بخيلٍ فيه خفخاف وجفالي..

أخذ بنت قرم طَيباً ساسها ما عاب.. إتنومسك.بنت.الشبل ويجيلك أشبالي

عيال الذياب تصير مثل الذياب ذياب
وعيال الثعالب مثلها زهر الأذيالي..

وفرخ الصقر مثله وفرخ الغراب غراب
وبوم الخراب يقابل العش ويلالي..

ليا صار راسك فوق ياطيب الأنساب..
فلا ينحني لـ أقدام رجلين ونعالي..

لكن الله اللي يكتب الرزق ياخطاب..
هو اللي يفك الباب ويقص الأقفالي..

ولا يهمل إلا واحداً عايفاً لـ أسباب..
ولا ضيع حقوق البشر غير الإهمالي.

وترى للقصايد كيف والكيف له شراب
وأنا ما أشرب إلا كيف راسي بفنجالي.

ولا أطاوع الجاهل ولا أجامل النصاب.
أقدم يمين الحق و احط معدالي

الشاعر محمد مزيد الرشيدي

الموضوع الأصلي: تجارب حياتي معجزه | | الكاتب: عم الشعراء | | المصدر: شبكة بني عبس

[مرزووق]

هذا الكلام الصحيح

صح لسانك ياعم الفقرا

[تعبت منك]

هذا الكلام الصحيح

[بندر العاطفي]

السلام عليكم ورحمة الله وبركاته
يشرفني انضمامي لمنتداكم منتدى قبيلة بني عبس ولولا ان المدح في وجيه الرجال مذموم لقلت مافي الخاطر وذلك من ما لقيت من عدد كثير من الاصدقاء والزملاء والشعار من هذه القبيلة
اما بالنسبة لسبب تسجيلي ومداخلتي معكم لوصول هذه القصيدة لي بإحدى قروبات الواتس اب منسوبةً للشاعر محمد مزيد الرشيدي كما هو مذيل بمشاركة الاخ عم الشعراء
بداية اشكر لك مشاركتك أخوي عم شعراء وصح الله لسان الشاعر محمد مزيد الرشيدي ولكن بما ان كنيتك عم الشعراء ومن قبيلة معروفه فكان الأجدى بك ان تعرف قائل هذا القصيدة جيداً وتنسبها له وانا لا اعلم هل هو انت محمد بن مزيد الرشيدي ام تقولها نقلاً عنه ام الغرض من ذلك هو الشهره كما تم وحصل وتداولت بالواتس اب .
أما بالنسبة للقصيدة فالقصيدة كل من لديه ذائقه شعرية او كان شاعر او حتى مستمع ومتذوق للشعر فهو يعرفها جيداً ويعلم بأنها للشاعر الكبير عبدالله بن شايق رحمه الله ولايعني موته رحمه الله نهب قصائده او تحريف بعض كلماتها او ابياتها ونسبها للغير وقد قال فيها : ( نقلاً عن موقع جريدة الرياض انسخها كما هي لكوني اكتب من جهاز الجوال)
الشاعر عبدالله بن شايق يعد واحدا من أبرز الشعراء، وله مكانته الشعرية وقوته في مجال الرد والمحاورة خاصة، والنظم عامة، تميزت أشعاره بالجزالة والحكمة، وسلاسة الاسلوب وقوة العبارة وجودة المعنى مع عدم التكلف في شعره.

يقول في قصيدة له:

أنا من ورا أبها بين ساحل وبين هضاب

أسوق الركايب بين وديان وجبالي

قعدت آتذكر ياسعد ربعنا الغَياب

وأنا عارف ما مر الأول وطا التالي

الاجواد واجد والمراجل لها كساب

لكن واعد العشرة ليا صرت جمالي

يطير الشرار وكل نارٍ لها شباب

ومن ولع النيران يصبر على الصالي

تجارب حياتي معجزة وادروب أصعاب

ولقيت الرجال انواع والوان وشكالي

صديق الشدايد ما خذا منك علم وجاب

وسيع الصدر يضحك ولا هو بزعالي

صديق الشدايد لا ينافق ولا يغتاب

يدله غريب الدار ويزين الجالي

وصديق الرخى عقاب ومصادقه عقاب

شجاع الحكي والمدح بالقيل والقالي

وصديق الرخى ما غير صورة ولبس ثياب

يا ليته يبرقع ماله شماغ وعقالي

وعندي نصيحه جد ماقلتها لعاب

أقول الصحيح ونايم القلب يصحالي

ترا خوة أهل الطيب يالطيبين أطباب

يطيب السقيم وخوة الاش سلالي

تغانم شبابك يا بيض الوجه دامك شاب

ترى البدر لو يطلع قمر عود أهلالي

فلا تهجر المسجد وخلك ورى المحراب

ترى روضة المسجد لها منزلٍ عالي

ولا تترك اللي يزهمك خايفٍ مرتاب

ترى الذل ما نجى الثعل با لتحيالي

ولا لندى غير الفدى لو تروح أرقاب

ومن ضاع شوره يا خذ الشور ويمالي

ومن با شرك بالعذر لاتلحقه بعتاب

ولا تشوف نفسك شيخ والناس عمالي

ولا تهين نفسك لو تجي بين ضرس وناب

وهيبتك لا تنقص ولو ربع مثقالي

وبنت الردي لا يعجبك زينها الجذاب

تراها كما المخيال خيل وتخيالي

ولو شفت حمر خدودها وثمان أعذاب

لا بدك تمنى ليت ما جالك أعيالي

ولدها لا ياشاف النقى والملاقى هاب

ذليلٍ بخيلٍ فيه خفخاف وجفالي

أخذ بنت قرمٍ طيبٍ ساسها ما عاب

تنومسك بنت الشبل ويجي لك أشبالي

أعيال الذياب تصير مثل الذياب أذياب

وعيال الثعالب مثلها زهر الاذيالي

وفرخ الصقر مثله وفرخ الغراب غراب

وبوم الخراب ايقابل العش ويلالي

الى صار راسك فوق يا طيب الا نساب

فلا ينحني لقدام رجلين ونعالي

لكن الله اللي يكتب الرزق يا خطاب

هو اللي يفك الباب ويقص الا قفالي

ولا يهمل الا واحدٍ عايفٍ الاشباب

ولا ضيع حقوق البشر غير الا همالي

وترى للقصايد كيف والكيف له شراب

وانا ما شرب الا كيف راسي بفنجالي

ولا طاوع الجاهل ولا جامل النصاب

أقدم يمين الحق واحط معذالي

ولا نيب و الله طيبٍ له مع من طاب

ومن طاب لي برخص له الحال والمالي

أكذب وانا خابر واجامل وانا كذاب

سنين مضت هي صدق والا يورى لي

تلخبط جهاز المخ وانهارت الاعصاب

وفورت دمي وارتفع ضغطه العالي

لكن في رجى اللي من رجى رحمته ماخاب

هو الواحد العالي وهو ربناالوالي

وهو الخالق الرازق وهو المعطي الوهاب

له الملك كله والكمايل والاكمالي

رئوفٍ رئيفٍ رحمته تنقذ المنصاب

يغيث الديار الممحله عقب المحالي

شديد العقاب ويعتق المذنب اللي تاب

عسى ما يواخذنا بسيات الاعمالي

كما قاله الله فصبروا يأولي الالباب

ترى الصبر زين وكلمة الحق تنقالي

واصلي واسلم عد ما تنبت الاعشاب

وما لاح براقٍ سرى يشعل أشعالي

على المصطفى اللي وحد الدين والاحزاب

شفيع أمته يوم الهوايل والاهوالي

والمقصود بسعد هو سعد العاطفي من سكان ضرماء والجعيثن هو الشاعر المعروف راشد الجعيثن


ختاماً اشكر تقبل لك للنقد واتمنى منك التحري والدقة في النقل ونسب القصيدة لقائلها
كما اشكر مشرفي واعضاء المنتدى لاتاحة الفرصة لي واعدكم بإذن الله بمشاركة بالمنتدى واتشرف بذلك
واعتذر ان كان هناك أخطاء إملائية او خلل بتنسيق النص لصغر الشاشة والأحرف


وتقبلوا خالص تحياتي
اخوكم بندر القحطاني