[خليف الوهيداني]

ارجوك ياصاحبي تكفى تسامحني=ارج السموحه منك يالصاحب الغالي
مع فرحت العيد في عودتك فرحني=وبالعيد خل الفرح يازين يهنالي
عجزت لانسى غلاك اللي يتابعني=اللي معي مايفوت الفكر يبرالي
يشك ابيفي غيابك من يهرجني=معه اسولف وعند رايح(ن)بالي
كني غريب(ن)ظروف الوقت تمنعني=عن شوف حين ودونه بعدهم حالي
جيتك وقو الغلا والشوق يدفعني=والعذر لك يالغلا في عذب المثالي
عساك ياصاحبي بالعذر تسمعني=وتنسى خلاف(ن)حصل والجو يصفالي
ومعك ليال الفرح والود تجمعني=ونرجع العذب اليال وجوها الحالي
اشريك لو انت برخص سعر بايعني=ولو زلت عنا الغلا غلاك مازالي
لك ودك اللي بوسط القلب طوعني=وحب(ن)نزل منك في قلبي ولا حالي
اسمع بكلمت ولع وثرك مولعني=ولا ذقتها غير منك وطعمها جالي
من غيضك الضيق والهاجوس موجعني=وزاد الهجر يالغلا همي وغربالي
تكفى بوصل الغلا والطف تسعفني=لاضيع بالتهلكه بالربع انا الخالي
اطلب وفي مطلبك الله يساعدني=والله يحل الظروف ويستر الحالي
ولوا اعتذر لك اعرفك ماتصدقني=ظنك ابي بالعذر والحلف محتالي
وانا علوم الوفا والطيب تملكني=خيل(ن)تسابق وانا راكب وخيالي
وعن الردا والخداع الصدق يرفعني=وماليبها ابشرك حظن ولا فالي
جيتك وقاض الغلا لجلك مقيدني=وحكم الغلا مايعرف عاقل ورجالي
مسجون دم ورهينه وانت تعتقني=دم الغلا اللي ملكة ولا تهيالي

الموضوع الأصلي: كني غريب(ن)ظروف الوقت تمنعني | | الكاتب: خليف الوهيداني | | المصدر: شبكة بني عبس

[بدر الحشية]

جيتك وقو الغـلا والشـوق يدفعنـي=والعذر لك يالغلا فـي عـذب المثالـي
عساك ياصاحبـي بالعـذر تسمعنـي=وتنسى خلاف(ن)حصل والجو يصفالي
ومعك ليال الفـرح والـود تجمعنـي=ونرجع العذب اليال وجوهـا الحالـي

صح لسانك ولاهنت
قصيدة في قمةالروعة
كل عام وانت بخير

[وحيدالطعس]

صحك السانك

[سلطان العايضي]

مشكور أخوي على هذه القصيدة...

قصيدة جزلة في معانيها ,,,

لاتحرمنا من جديدك ونحن بالإنتظار ...

دمت لنا بود....

[ابوصالح]

صح لسانك وعتلا شانك

ولاهنت


قصيدة في قمةالروعة

شكراً لك اخي الكريم

[ابواثنين]

مشكور أخوي على هذه القصيدة...

قصيدة جزلة في معانيها ,,,

لاتحرمنا من جديدك ونحن بالإنتظار ...

دمت لنا بود....

((7 ((7

[بدر نوران]

الشاعر / خليف


صح لسانكـ على هذه الرائعه



ولاهنت



تقبل اعجابي


اخوكـ


.

[صادق الوعد]

كني غريب(ن)ظروف الوقت تمنعنـي
عن شوف حين ودونه بعدهـم حالـي
جيتك وقو الغـلا والشـوق يدفعنـي
والعذر لك يالغلا فـي عـذب المثالـي
عساك ياصاحبـي بالعـذر تسمعنـي
وتنسى خلاف(ن)حصل والجو يصفالي


اخوي خليف صح السانك
قصيده في قمة الروعه


أخوك
ذيـاب الذيابــي