[بدر نوران]

::

رديه بيني وبين عقيل بن عبيد الرشيدي


البحر والسفينه

البارحـه قلبـي نـزف هـم وجـروح=مــن بـعـد مـافـارق دفــاه وحنـيـنـه
ياقلـب لاتحـزن ولا تكـثـر الـنـوح=الـلـي نـسـاك انـســاه ودع سنـيـنـه
انسه كما ينسا مسافر على اللـوح=في بحر هايـج وانصـدم فـي سفينـه
ودع حياتـه قبـل ماتطـلـع الــروح=مـات بخشـوع وملهم(ن)بالسكينـه
رح بلغـه يابـدر بـاكـر تــرا اروح=وأنسـا انـا الشـارع وحتـى المديـنـه
رح بلغه ياخوك مالـه تـرا جـروح=لا عــاد يـذكــر ماضيـتـنـا الحـزيـنـه
رح بلغه هرجي ترا اليوم بوضوح=أنـي كرهـت اسمـه وضـمـت يديـنـه
لايحسبن اللي حصل منه مسمـوح=ماسـامـحـه لـــوان عـيـنـي بعـيـنـه

الحرفـ / لـ عقيل بن عبيد الرشيدي

/

وكان هذا ردي عليه :

أن كان قلبك نازف ٍ هـم وجـروح=قلبـي مـن الفرقـا تـزايـد ونيـنـه
أيام كانـت كلهـا ضحـك ومـزوح=مـا غيـر انـا ويـاه بأيـام زيـنـه
كلن كتم سـره وبالسـر مـا يبـوح=أليـن جتنـا أيـام سـود وحزيـنـه
نكبة زمن وتبدل الضحك بالنـوح=نكبـه وكــل ٍ راح لأيــام شيـنـه
ياعقيل ابن عبيد بكتب على اللوح=أنسه مدامـه راح واقفـت سنينـه
لا تطرد المقفى ولا تطلب شحوح=خلـك عزيـز وراح تكبـر بعيـنـه
دور على اللي حب ماهو بمشفوح=اللـي علـى شوفتـك زايـد حنينـه
يطلب لقاك وبالطلب صار لحـوح=لاغبت عنـه قـال تكفـون وينـه

الحرفـ / لـ بدر نوران الرشيدي



تحيتي لكم



::

الموضوع الأصلي: عقيل بن عبيد ... وبدر بن نوران | | الكاتب: بدر نوران | | المصدر: شبكة بني عبس

[بندر الذيابي]

صح الله لسانك


وصح الله لسان صديق الطفوله ابو عبيد


ابو نوران


بلغ عقيل تحياتي الحاره وذكره بخيبر


الله لا يهينك يابو نوران

اخوك


بندر الذيابي

[مسندالعويمري]

صح الله لسانك



وصح الله لسان الشاعر


عقيل بن عبيد الرشيدي



تحيتي لكم

[بدر نوران]

اقتباس من مشاركة بندر الذيابي صح الله لسانك وصح الله لسان صديق الطفوله ابو عبيد ابو نوران بلغ عقيل تحياتي الحاره وذكره بخيبر الله لا يهينك يابو نوران اخوك بندر الذيابي

صح بدنك اخووي بندر ...


وابن عبيد دوبي جاي منه ويقول كثر لي عليه من السلام

لاهنت لاهنت



احترامي لك



::

[سعد بن عادي]

صح لسانك بدر ولسان ابو عبيد

بيض الله وجيهكم


دمتم كما تحبون

[بدر محمد]

اخوي بدر صح اللسانك ولسان ابو عبيد

وبيض الله وجيهكم

[شاعر الجن]

شكرا لكم

[فيصل الرشيدي]

صح لسانك ولسان ابوعبيد

وبيض الله وجهك ويعيطك الف عافية ياالوافي