[نجا الرشيدي]

الـبـارحـــه

موقعة طواله والتي كانت على القلادان ومن معهم من قبيلة بني رشيد بقيادت
الشيخ بداي بن حمـد القلادي الرشيدي وبـيـن الشيخ بـركه الشـويب المطيـري
ومن معه من قبيلة مطير فقال الشاعر عـليق العـنـزي عندما سمع بخـبـر هــذه
المعـركه وهو ويـمدح فـرسان القـلادان ومن معهم من قـبيلة بني رشـيد ومنهم
الشيخ محمد بن بداي والفارس لافي بن حمود والفارس ثـواب بن جميعه ويصف
الشاعرفي قصيدته غـضب الشيخ صنيتان بن شميلان القلادي والشيخ جاسم بن
رشـــدان بن براك حـيـث لـم يحـضـرو هـذه المعــركـه
فـيقــول الشاعـر عـليق العنزي في قصيدته

الــبـارحــه بلغــت بـالهـــرج كــلـــه = نوما س واللي حـصلـوه القـلادان
عـلى الشـويب كـبـرو مــفــرسـلــه = بايمن طواله واشبعـوا ذيب الاتيان
اركاب ابـوتـركي سـوات الاهـــلـــه = وبني رشـيد ركابهـم فـرق وسمان
ابن حمد تـشـك الحــفــا فـاطــرلـــه = من كـثـر ما تضرب خرايم وريعان
ولافي ذعار الخيل شهب الاجـلــه =لـيـا نتخــا بنحـورهـن كــل ديـقــان
ليا زغـرتـن البيض حـدر الاظــلـه = يرخـص بعـمره عـند حلـوات اللبان
وثواب بالصفرى اطلق الرمح كله = عــيـا المــداوي لايــداويـه بحـلان
ومحمـد لـيـامـنه ركـب مـهـرتـلـه = خـيـال حلحيل الرمك واف الافــنـان
تـكـفــن ياسمـر اللـيا ل امهــلــلـه = خـلـن شـيـال العـلايــق بـلــيــهـــان
يارسل ون جيت الشـويب فـقــلــه = انــا نـذيــره مـنقـــدلــه صــنـيـتـان
قــلــه يـبعــد لايجي الـنشـركــلــه = قــلــه يـبـعــد لايجـيـه ابـن رشـدان

المرجع ---- ذكريات الماضي
نجا الرشيدي

الموضوع الأصلي: معركة طواله | | الكاتب: نجا الرشيدي | | المصدر: شبكة بني عبس

[سعد الشقل]

يعطيكـ العافيه يا نجا الرشيدي

على نقل القصه والقصيده ..//

[نجا الرشيدي]

سعد الشقل يشرفني مرورك الكريم لاهنت

[ياسر العرعري]

..

الأخ والشاعر والمؤرخ / نجا الرشيدي

بيض الله وجهك على هذي القصه والبطوله التي تضاف لبطولات عبس لاشك .. وصح لسان شاعرها العنزي والله يرحمه ويرحم أموات المسلمين ..!

أتمنى نقلها لمنتدى قبيلة بني رشيد

ألف شكر لك أخوي الكبير نجا الرشيدي


أخوك


..

[مسندالعويمري]

يعطيكـ العافيه يا نجا الرشيدي

على نقل القصه والقصيده وسمحلي في التنسيق ونقلها

[نجا الرشيدي]

ياسر العرعري يشرفني مرورك الكريم وشهاده منك وسام على صدري لاهنت

[نجا الرشيدي]

مسند العويمري يشرفني مرورك الكريم وشهاده منك وسام على صدري لاهنت

[ملك بلاملكه]

يعطيكـ العافيه يا نجا الرشيدي

على نقل القصه والقصيده ..//