[ذيبان الرشيدي]

.
.
.
بعد السلام ..
أبدأ بنظم الكلام ..
و ترتيبه و رصفه .. و إعرابه و صرفه ..
.
.
بعد إنقطاعٍ طويل ..
يعلم الله ..
أنها إرتجالية محضه ..
.
.

لا صار عيدك على فرقاي =ب لله .. وخّر و فارقني
أفرح بعيدك على مشكاي = لا لا .. تحاول تجاملني
و أقبل سلامي مع فحواي= و الله وليي و يرحمني

.
القصيدة
.

يا هيه .. وقف جعل ربي يعافيك = من علّمك .. تدخل حياتي و تجفى
من علـمك تصفق فؤادي بأياديك = و تقول لي .. دوّر مـع الغـير منـفى
تدري .. هويتك و أسهرتـني ليالـيك = و أشياءِ .. بصـدري بِلا شـك تخفى
لا تقوللي فارق عسى الله يشافيك = الموت عقبك يا أبيض الوجه مشفى
لا تبتعد .. عني و تلبّس غطاويك = و أرحم .. حزن نفسٍ من الوقت جلفا
نفسٍ.. توطاها الحزن والشرابيك = شتت .. بقايـاها صـدودك و كـفى
ما دوّرت .. بعدك هذولا و ذوليك =وأستانست .. ما بين وضحه و وطفى
لا من تطرّت .. ما مضى من طواريك =عـيّت .. نواظرها من الضيق تغـفى
ترّقب .. سناء وجهك و تتبع خطاويك= و تدّوج لأجلك .. كل ديره و مرفى
ما ضكها .. ياكود ساعة تجـافيك = يومك .. جعلت الصد مـزّبن و ملـفى
يا صاحبٍ .. هجس الرشيدي تناديك =و أرسل .. مناديبه و روّح و قفى
زحزح .. كدر نفسي عسى الله يعافيك = تكفى .. طلبتك ترحم النفس تكفى

.
.
كل عامٍ وأنتم بخير
.
.

الموضوع الأصلي: زحزح كدر نفسي عسى الله يعافيك ... تكفى طلبتك ترحم النفس تكفى ..! | | الكاتب: ذيبان الرشيدي | | المصدر: شبكة بني عبس

[كبرياء امراة]

الله الله
ع روعة الكلمات والمعاني
صح لسانك
وحياك الله

[حردان السحلي]

صح لسانك
وحياك الله وكل عام وانت في خيرررر

[ابوصالح لرشيدي]

الله الله
صح السانك وبيض الله وجهك ابيات اجمل من الذهب
وكل عام وانت بالف خير
دايم وابد تبقى شاعري المفضل لله درك ياذيبان

[ذيبان الرشيدي]

شُكراً لِمن مر ..
لي عودهـ للتعقيب إن شاء الله :)

[النمر1012]

الله الله الله صح اللسانك ياذيبان وكل عام وانت بخير قصيده قمه وجزله وبيض الله وجهك
الابيات
اختار منها
مـن علمـك تصـفـق فــؤادي بأيـاديـكو تقـول لـي .. دوّر مــع الغـيـر منـفـى
تـدري .. هويـتـك و أسهرتـنـي ليالـيـكو أشيـاءِ .. بصـدري بِـلا شــك تخـفـى
لا تقوللي فـارق عسـى الله يشافيـكالموت عقبك يا أبيـض الوجـه مشفـى
لا تبتـعـد .. عـنـي و تلـبّـس غـطـاويـكو أرحم .. حزن نفسٍ مـن الوقـت جلفـا
نـفـسٍ.. توطـاهـا الـحـزن والشـرابـيـكشـتـت .. بقايـاهـا صـــدودك و كـفــى
مــا دوّرت .. بـعـدك هـــذولا و ذولـيــكوأستانست .. ما بين وضحه و وطفـى
لا من تطرّت .. ما مضى مـن طواريـكعيّـت .. نواظرهـا مـن الضيـق تغـفـى
ترّقب .. سنـاء وجهـك و تتبـع خطاويـكو تـدّوج لأجلـك .. كـل ديــره و مـرفـى
مـا ضكـهـا .. يـاكـود سـاعـة تجافـيـكيومـك .. جعلـت الصـد مزّبـن و ملفـى
يا صاحـبٍ .. هجـس الرشيـدي تناديـكو أرســـل .. منـاديـبـه و روّح و قـفــى

[ابو علي القنور]

صح لسانك ويعطيك العافيه


ياصاحبي هجس الرشيدي تناديك
ارسل مناديبه وروح وقفى

[الزعيم..]

أبيات من العيار الثقيل
/
صح الله لسانك وأعتلا شانك