[محمد الراشد]

مسائكم شعر

لا اخفيكم انني عشت جزء من طفولتي في احضان البادية
حاولت سرد بعض الذكريات الي مررت بها
اتمنى انني وفقت في ذلك

(((ريحتك عقب المطر)))

ول يابيت الشعر ياعلوو شانك=واسطك بالبال واطنابك طواري
لو زمًنا مايناسب مع زمانك=شف مكان رسيتك صارت حواري
ما أنكر العشره لو إن الوقت خانك=كل مالديت حصلتك..جواري
كل ماسافرت وقفت بمكانك=وشفت في موقعك جره للضواري
اذكر رواق" عن المعصير صانك=حي فاله..كل ما هبت ذوراي
وشايب"علق ذبياحه بوازنك=للكرم والجود في وجهه مواري
وحرب صدام..وجراد" خش امانك=وانتظار الي يجيبون الشواري
ريحتك عقب المطر..وهذيرفانك=ولعبنا بمضيمضاحك والسواري
وشبت النار وخرافة سعلوانك=وطيبة اهل الباديه خل الزواري
ذكرياتك زودت من علو شانك=يوووه ياغلوك وياكثر الطواري

.....

الموضوع الأصلي: ول يابيت الشعر ياعلو شانك^^^^ذكريات طفولتي في البادية | | الكاتب: محمد الراشد | | المصدر: شبكة بني عبس

[رشيديه و أفتخر*]

صح السانك

وربي يعطيك العافيه

[(ابوعواض)]

الله عليك يابو مهلي صح الله لسسانك وبيض الله وجهك عيشتنا جووو ثاني

ابياات كثيره عجبتني منها :
اذكر رواق" عن المعصير صانك=حي فاله..كل ما هبت ذوراي
وشايب"علق ذبياحه بوازنك=وفرحته بالضيف واصوات الضواري
°°°°

ذكرياتك زودت من علو شانك=يوووه ياغلوك وياكثر الطواري


تحياتي {°؛°}

[بنت أبوهــا]

**

واسطتك بالبال واطنابك طواري

الله الله

صح لسانك واعتلى شانك

[أبو أرقبه]

صح اللسانك يابن ملهي
ذكرتني يوم انا واياك بالحره**ياليت ربي اليا هالحين جامعنا
اخوك ابو ارقبه

[انسان عادي]

ريحتك عقب المطر..وهذيرفانك=ولعبنا بمضيمضاحك والسواري
صح لسانك ع القصيده الفذه من نوعها
تقبل خالص تقديري واحترامي لك

[goldenboy]

قصيدة في قمه الرووووعه

تسلم


وصح لسانك


يالغالي

[جحدر]

كل ماسافرت وقفت بمكانك=وان بغيت انكرك ياكثر المواري


صح لساااااانك الحقيقة إنك أعجبتني غصب بالقصيدة المعبرة هذي