[صالح عسكر]

على كل حال الحمل جاير ولا تنلام ................................ وش اللي يحدك للحمل وانت ما تشيله
ومن قالك قدام قله بعد قدام ....................................... تخارج كذا باسلوب بالدرب تحويلة
واذا حصل منك قصور قل الظروف احكام ................................. وسولف وخل الهرج ما يفيد تحليله
كذا تكسب اللي بالرخاء لك سند وحزام ............................... على طول يطريلك بعد وانت تطريله
لكنك خسرت اللي ليادارت الايام .................................. وجار بك الزمن وانت ما عاد لك حيله
ووجهت لله ثم وجهتله لك قام ................................... يشيل الثقيلة عنك ما يشتكي ميله
هنا يا هجوسي وقفي وقفة المقدام ........................... ترى المستمع مرات يطرب مع الشيله
ترا الحر شاف وعاف وان عاف طار وحام .................................... وقولوا لراعي الطير لا عاد يوميله
ولو يجحد الجاني بعد بصمة الابهام ...................................ما حد صدقه لو يقطع اصبعه ويشيله
وكلن يفصل حسب ذوقه ويلبس خام ................................. ولا تجتمع سمعة موسيقى وتهليله
كذا وانطوت كل الصحف والسلام ختام ................................. بوسط الصحف مكتوب ومحال تبد يله





للشاعر : عطاالله عمار الرشيدي

الموضوع الأصلي: على كل حال | | الكاتب: صالح عسكر | | المصدر: شبكة بني عبس

[الشاطئ المهجور]

الله الله

شعر في قمة الروعه والجمال


صح الله لسان شاعرها

سلمت يداك على النقل

تحيتي لك