[ابو شرق]

الليلة متهيض وودي بشاعر اخذ معه طاروق

الموضوع الأصلي: الليلة متهيض وودي بشاعر اخذ معه طاروق | | الكاتب: ابو شرق | | المصدر: شبكة بني عبس

[عميان]

هات ماعندك يابوشرق معك عميان راعي البندق

[ابن وايل]

ابو شرق متهيض وده بطاروق = يقول انه يبي له واحدن طيب

وانا في هلابلاد امثل الفاروق =اقوله والثقه بالنفس ماتخيب

[ابن وايل]

ياعميان ماشفت مداخلتك
اسمحلي
وانسحب لجل راع البندق اخاف يرميني بعد ماني ناقص مشاكل
وبصفك ياعميان

[عميان]

لا لا يالوايلي انا بصفك على ابو شرق
انت حديته على العيش المر هههههههه

[ابو شرق]

سمعنا اللي تقولون ونظرنا فوق = وانا حاسب حساب بعيد وقريب
يابن وايل لاتلبس مشلحن مشقوق = بلدنا من سببها دقنك مشيب

[ابن وايل]

انا ماني بمثلك ياكل المرقوق = انا ادري جاك علمي وانت متغيب

لقينا في بلدكم طقت المطقوق =لبست المشلح الطيب عن العيب

[ابن وايل]

اقتباس من مشاركة عميان لا لا يالوايلي انا بصفك على ابو شرق انت حديته على العيش المر هههههههه

والله انك احرجتني
ومادري وش اجازيك فيه
بس اقول الله يكثر امثالك