[شافي الشويلعي]

السلام عليكم ورحمة الله وبركاته
القصيده الفائزه بالمركز الاول فئة ضياع الطير في مهرجان ابوظبي للصيد و الفروسيه لسنه 2011

يا ممسي(ن) وسط الخلا تالي الليل
ما حن قلبك يوم ناوي للارجاع



الجسم من فرقاك ما عاد به حيل
والقلب من حر الحشى صار ملتاع



بالحيل ضايق يا اسود الريش بالحيل
عليك ياالي زود الهم بوجاع



اجر قافي بالطواريق واشيل
واذكرك يوم انك تنهض وطلاع



رخيت سبقك يوم مابه تحاليل
خابرك دايم لابرق الريش طماع



تل السبوق وخيشن عقب تزويل
ياليت ما اخطيته ولا طار مرتاع



راح يتعانق بالطيار التباديل
صاروخ مهدف ماخذ(ن) امر الاقلاع



وانت الذي زودت بالخرب تجفيل
كل ما رقى ترقى ولا يرجي القاع



وسقنا معاك ولا حسبنا الدراكيل
من فوق جيب(ن) لكن الخد مناع



واللي حداك الشبك يا عله الشيل
كنه سواد الكون بالوجه صفاع



تفازعو ربع(ن) قروم(ن) مشاكيل
ربعي لهم في فيضة الطيب مرباع


راحت ثلاث ايام من دون تاجيل
نضرب حراوي طيرنا زين الاطباع



عفت الدلال وعفت شرب الفناجيل
كل(ن) بطيره جاني اليوم فزاع



واقول رد(ن) يختصر بالاقاويل
لا تجبرون النفس والقلب ما طاع



حلياك يا اسود ما يجي معه تمثيل
وكنه حرار الكون ما منهم انفاع



يا لايمي بالطير دمعي هماليل
على الذي انهمه واندبه (مطلاع)


يا كثر ما قبلي تغنو رجاجيل
كل(ن) قصد في حاله الطير لا ضاع



حمد يلوم الطلح يبغي التهاليل
وابن الحبيني شاف مجلاس الاكواع



كل(ن) يقول القاف باحلا التشاكيل
ابيات شعر(ن) صيتها ذاع ثم شاع



وانا على المسحوب جبت التماثيل
ياكود باشفي جوع الافراق ب اشباع



وصلو معي عداد ما يجري السيل
على رسول(ن) للمخاليق شفاع

وسلامتكم




اخوكم/ شافي عبدالله الشويلعي

الموضوع الأصلي: ألقصيده الفايزه بالمركز الاول | | الكاتب: شافي الشويلعي | | المصدر: شبكة بني عبس

[ابن اخزيم]

قصيده رااائعه جداا في فرقى الطير
اشهد بالله انها واافيه وتسلم على النقل
وتحياتي لك

[شافي الشويلعي]

تـــِــــــسلم يــــِابن خــــــزيم وفرقاااااا الِــــــــــطير مـــــــاهي بهـــــينه عن الــــصقاقير. وشرفـــــــني مروووووووركك

[المقبل]

وافي وصح لسانك

[مسندالعويمري]

صح السانك ومبروك الفوز

[ثاري خ]

صح السانك ومبروك الفوز

[شافي الشويلعي]

إخواني المقبل و مــــسند وثاري. يسلموووووووووووو على المــْـــــرووور وابــــــــداء ارائكـــــــــــم

[ابن شلال]

صح لسانك , بس مادري شاعرها مين؟