[ذيبان الرشيدي]

.
.
بعد السلام ..
أبداء بـِ نظم الكلام ..
وترتيبه ورصفه .. وإعرابه وصرفه ..
.
.
تغريدات ..
تطمح أن تصِل لـِ ذائِقتِكُم ..
لعلها .. تكونوا .. عُذراً عَن طول الغياب ..!
.
.

دام افترقنا .. يـالغضي فـالبدايات = لاتعذلين الوقت .. يومه خذلنا
في مطلع القصه . كتبنا النهايات = يوم ارتمينا .. في زوايا جدلنا

.
.

جيتك بقايا .. في زمان التشتات= وأقفيت عنك .. وابتلشت بشتاتي
ضيّعت دربي .. واعتبرت المسافات= خطوه .. تلم احلامي المدبراتي

.
.

ان كان ودك .. بالمواصل وصلناك = وان كان ودك .. بالمفارق موفّق
صبرك علينا .. وان جفتنا حناياك = صبرك .. على قلبي طلبتك ترفّق

.
.

صبي .. فناجيل العرب من يديكي = بشرب فناجيلك .. وبقدع حلاياك
واكلي من الجمري .. ومن مايليكي = واليّا شبعتي .. قربيلي شفاياك

.
.

الموت حثرب .. واخلفتنا المقادير = والقلب .. جداه الحزن والحسايف
يالله دخيلك .. لاتهب المعاصير = من عقب .. ماقفا عن القاع نايف

.
.

مشكلتك .. أنك لازعلتي زعلتي = وانا ليّا منك .. زعلتي تضايقت
ليتك برجلك .. عن عيوني رحلتي = والا رحمتي .. نظرتي لاتوايقت

.
.

كم قلتلك .. ياصاحبي لاتحلمت = حذراك .. تحلم باللقاء والمواعد
من دنيتي .. قبلك عرفت وتعلمت = ان المواصل .. من بعده التباعد

.
.

ياهيه .. لامرك كبير العفاريت = سلم على العفريت .. عني وقله
انه يولع .. شوشتك بالكباريت = والا يلصق .. فرتك بـ المجله

.
.

صد .. وصدوده زوّد الصد صده = وأنا بعد .. لفيت وجهي وصديت
كبرت عقلي .. واشتهيت المخده = وبالحلم .. عانقت السحاب وتعليت

.
.

ياللي قتلت الحلم .. والحلم لحظه = لحظه .. بعذبات السعاده خذتني
جملة سواليفك .. غثيثه وفظه = دشت .. معاليق الحشا واجرحتني

.
.

عمرك سمعت .. بواحدن كان مغليك = واليوم ماهو .. حول دارك وصوبك
كان أمنياته .. في حياته يخاويك = ويساير افكارك .. ويستر عيوبك

.
.

ياهيه صبرك .. لاتقافيت عني = واستاثرك غيري .. وشالك وحطك
ماجيتلك شيعي .. ولاجيت سني = جيتك بحر .. لامس طواريف شطك

.
.

خل التميلح عنك .. خل التلفات = محدن .. نشد عنك ولا احدن درابك
مافادبك .. كثر الضحك واللقافات = الناس ضدك .. والبخت دون بابك

.
.

مدري .، علامي في غرامك تعلقت = هل هو جهل .. والا حظوظ ومقاسيم
بس الوكاد .. اني بلقياك نوّخت = خمسة عشر .. ناقه بكار ومجاهيم

.
.

زر ثوبك .. والبس البرقع .. ليا منك رحلت = عادتي .. ما أطرد وراء المقفي ولو كنت اشتهيه

.
.

من عرفتك .. ماعرفت الا التغطرس والجحود = ورغم هذا .. جيتلك والشوق يطويني طوي

اعشقك واهواك .. وارقب جيتك واطلب رضاك= من عرفتك ..ماعرفت من الشعر غير الغزل
عقب .. ماكانت هجوسي تنظم الجزله بلاك= ولاتقول من القصيد .. الا المقنّد والجزل

.
.
وعُذراً ..
ع الإطاله ..!

الموضوع الأصلي: دام افترقنا يـ الغضي فـ البدايات .... لاتعذلين الوقت يومه خذلنا .. تويتريات 1 | | الكاتب: ذيبان الرشيدي | | المصدر: شبكة بني عبس

[المحيط الهادي]

جميل جدا ياذيبان هذه المقتطفات وأستوقفتني كثيرا هذه المقطوفه الرائعة :

مشكلتك .. أنك لازعلتـي زعلتـي

وانـا لـيّـا مـنـك .. زعلـتـي تضايـقـت

ليتك برجلك .. عن عيوني رحلتي

والا رحـمـتـي .. نـظـرتـي لاتـوايـقــت

.

[سالم الرشيدي]

صح السـآنك ذيبآن
ابداع وربي
مآشآء الله عليك
كل بيت ابقتبسه يطلع البيت الثآني اجمل
مبدع ي ذيبآن

[ذيبان الرشيدي]

اقتباس من مشاركة المحيط الهادي جميل جدا ياذيبان هذه المقتطفات وأستوقفتني كثيرا هذه المقطوفه الرائعة : مشكلتك .. أنك لازعلتـي زعلتـي وانـا لـيّـا مـنـك .. زعلـتـي تضايـقـت ليتك برجلك .. عن عيوني رحلتي والا رحـمـتـي .. نـظـرتـي لاتـوايـقــت .

المحيط
أهلاً بِك ..
بعد طول الغياب ..
مرورك أتحف .. مقتطفاتي المُتواضعه ..
شٌكراً لـِ قلبك .. قَبلَ حرفِك ..!
.
.

[ابن شلال]

صح لسانك ياذيبان بأنتظار جديدك

[راحل في زمن الحب]

صح لساااانك


قصيدة راقت كثييرا

لله درك

[ناصر الرشيدي]

الله عليك يابو عبدالله
صح لسانك
بيوت تغني عن قصائد بل تعادل قصائد
دام لنا بوحك ياشاعرنا

[مروان الرشيدي]

فهد


شاعر له تميزه من بد شعراء الشبكه


لله درك حاولت اقتبس عدة ابيات بس اللي عجبني واجد مايمدي يافهد



يسسلم لنا بوحك وتغاريدك يافذ