[شاعر الصعاليك]

السلام عليكم ورحمة الله وبركاته

البارحة حلمت بعمي العمده ، وأن جالس أسولف معه وقلت أن شاء الله حلم خير .

ويوم جيت اليوم وأنا أقرا قصيدته ، ووالله اني
تأثرت منها ، والله يعافيك يا ابو تركي
وأن شاء الله طهور ، ولا يصيب المسلم الا اجر


ناصر خنيفر ( العمده )

عسى الله يرجعني على ديرتي في خير= وأفارق ديارن فيها الاسلام معدومي
ماتسمع نداء للخير كل الديانه غير= ليا جيت اصلي نخفض الصوت مكتومي
نداهم بيس ونو وليا اقبلو كمهير=تناغط مثل بالليل ماتنغط البومي
حداني زماني لين طبيت دار بلير=ما قصدي سياحه بالسفر صرت ملزومي
وتبدل لباس الثوب في بنطلون وسير=ولو انشد حداهم ماحدن يقبل علومي
عساها تزين ويتضح محتوى التقرير= عليه من حزامي فلا قعد ولو يومي
حرارة كويت العز وقت المسا وعصير= على كبدي افضل من بلد كلها غيومي

شاعر الصعاليك

دعيت الولي ربي عليم المقادير = يردك معافى للبلد ما أنت محرومي
صبرتوا وحثيت القدم للمشاوير = وعند الولي ما خاب داعي ومهمومي
وأنا لو الى قدره بالاقدار يا امير = لا أشيل الوجع وأعطيه فالناس لرخومي
لحيثك حزام ٍ للعرب فالمعاسير = ومزبان للي طاح ما يقدر يقومي
ما يشبهك بالارض يا كود ضلع النير = وفعلك مع البدوان بالخير معلومي
وما صابكم بالوقت عده لكم تطهير = ويوم الحشر تلبس جديد الهدومي
وأبدعي مع الداعي وأزيد التعابير = يا ربي تعجل في شفاء قايد القومي

الموضوع الأصلي: طهور أن شاء الله يا ابو تركي | | الكاتب: شاعر الصعاليك | | المصدر: شبكة بني عبس

[مفاهيم الغلآ]

صوت وصدى بهامات الجمال والشاعريه الجزله.
مشاعر و احاسيس تعانق سماء الابداع.
الله يرد كل غايب على بلاده .
والله الشافي المعافي.
طاب لنا ما قرئنآ.

[شاعر الصعاليك]

يا مرحبا يا مفاهيم الغلا
وسعدت بمرورك الجميل ، والله يجزاك كل خير

[بروفسور الشعر]

بيض الله وجيهكم

شاعر الصعاليك شاعر ومبدع


ناصر الله يشفيك ويردك سالم

[مجرد انسان]

الله يشفيه
ويرد للديره سالم

[ناصر خنيفر]

مشكور يابو غليون وانا ابشرك في صحه جيده وهذي عين ماصلة على النبي وانا والله شاك من المعزب وطنطاوي والحر النداوي وابو عوجه يقولون انهم ينضلون الله يكفينا شرهم هههههههههه

[شاعر الصعاليك]

برفسور الشعر ووجهك ابيض وشاكر لك مرورك
يالامير


مجرد انسان يا هلا ومرحبا والله يسمع منك

[شاعر الصعاليك]

اقتباس من مشاركة ناصر خنيفر مشكور يابو غليون وانا ابشرك في صحه جيده وهذي عين ماصلة على النبي وانا والله شاك من المعزب وطنطاوي والحر النداوي وابو عوجه يقولون انهم ينضلون الله يكفينا شرهم هههههههههه

الحمد لله يا ابو تركي ، والله يبشرك بالجنه
ان كانها عين فالربع اللي حولك ما شاء الله عليهم
يطرحون الطير من السماء ههههههههههه

والله يرجعك سالم وغانم