[شاعر الصعاليك]

ياشماغ العقل مافيه عقـل ابهـا الزمـان=الاوادم مختلـف سلمـهـا وعقولـهـا=
يا عسئ الله يامر الضيف في جزل السمان=والحقايـق كــل ماقتلـهـا بيقولـهـا=

كان لك يا صاحبي في الزمان هذا ضمان=قلنا وش صار بالنـاس يـا مرسولهـا
جاك صعلوك العرب راكب ٍ فوق الحصان=وفي يمينه سيف فعلـه لا دق اطبولهـا

لا تدير السالفه من مكان اليا مكـان=خطوتن من دونها وخطوتن من حولها=
شد حيلك والزم الفكر في خيط العنان=والمعاني يمكن ارشحـك مسئولهـا

ثابت ٍ لك يا صحيبي برمحي والسنان=والعلوم امطولـه بيننـا يـا طولهـا
لا توصيني وأنا ناجـح ٍ فالامتحـان=وأعرب احروف الهجاء وانتبز مدلولها

ماضي الايام وش صار من بين ا لاخوان=با اليال اللي تموت العرب من هولهـا=
واجب التوجيه با الفكـر ولاا لخيـزران=والبلاغه والادب ما انت في مجهولهـا=

دارت الدنيا عليكم ولا فيهـا امـان=دام يسرح بالغنم فالشعيب اخبولهـا
كان يا سيف العرب ناوي ٍ تعلن بيان=قلنا عن موقفـك لافتحنـا اقفولهـا

الجنايز با البحر وانت في بحر الحنان=والقضيه دونهـا عالمـن ماجولهـا=
فاح ريح البن ما بين هيل وزعفـران=وانت شكلت المعاني وزولك زولهـا=

لا تجيب المشكلة كان ما شفتوا فلان=العرب ما تحتمل حمل فوق احمولها
يوم فاح البن ما ذقت منه باللسـان=خايف ٍ من كلمة يتعبـك مفعولهـا

يا وسع صدر المعنا بعد ما الفكر شان=يا صحيبن يذكر الناس قبل افعولهـا=
الدروب امقفله وانت شاعر ما تهـان=سرح افكارك مع القوم مثل اخيولها=

أنت عايش في جزيرة ولا حولك اذان=وكل ما وضيت يبطل وضوك فولهـا
قاضي الديره بحل فالقضيه واللجان=وحجته ما عاد يقدر يجيب احلولهـا

من صعد راس الجبل ما نزل غير ابطمان=يوم حجلت القضيـه وشفـت احجولهـا=
الحقيقـه بيننـا سرهـا مابـعـد بــان=لو جميع الناس فـوق الجبـل عدولهـا=

الموضوع الأصلي: السيف القاطع والصعلوك | | الكاتب: شاعر الصعاليك | | المصدر: شبكة بني عبس

[الخشف]

الله الله ... الله الله ... ياااا سلام يا سلااام ... عليكم مبدعين
صح السنتكم جميع لا هنتوووووو

[مصفي المرح]

صح الله اللسنة الشاعرين

[زعيم الشواعير]

طاروق مميز لكن حط الاسامي يالصعلوك عشان نعرف ابياتك من ابيات السيف الله يصلحك

[أميرة البنات]

<< وتخلل الآمسيه الشعريه بيت شعري خاص
لأميرة البنات هههههههه


>> وبيض الله وجيهكم ياشعارنا

وصح الله السنتكم

[أخـو جـزعـة]

صح السنت القضاه هههههه

[السيف القاطع]

الشكر شاعر الصعاليك علئ التنسيق وجميع من سجل مروره

[ابو حشر]

صح الله السانكم

ابداع في ابداع