[سفيرنجد]

ياسلامي عد ما ذعذع هبوب ٍ من مهبه=لشواعير القديمه والشواعير الجديده.
كل مسلم يوم يسجد ما طلب ياغير ربه=وانت يلي ما تصلي قول لي وش مستفيده.

الموضوع الأصلي: استلم يا مجرد انسان ..!! | | الكاتب: سفيرنجد | | المصدر: شبكة بني عبس

[مجرد انسان]

البقاء بك وانت نار الشعر يالصاحب تشبه=مير انا ذيبً كما سرحان ما كلن يصيده
احمد الله واشكره والبحر لاتاقع بغبة=يمكن انه يغرقك وتصير ياشاعر فقيده

[سفيرنجد]

كيف بن ٍ من يمين اللي على يمناه صبه=وأنت كيف البن لا تنقصه دامنا نزيده.
أحمد الله واشكره والمعتلى بسمه ننبه=وانت مثل الطير الابرق منحني فوق الجريده.

[الحنشاوي]

عاشوووو الشعاااار وبصف الجميع

[مجرد انسان]

لوّ بغيت امدحك قالو بعض خلق الله يسبه=لكن النية على حسب العمل واللي تريده
انت شاعر دبلوماسي مار ذب الريع ذبه=حام طيرك فوق راسك مالقى الارياء سديده

[سفيرنجد]

كان منت محصل ٍ ما تمتنيه وما تحبه=لا تلخبط بالبيوت اللي يعزن القصيده.
يكفي العارف من الموضوع يابو زيد لبه=لكن اسمع لا تعاند قدمك رجال ٍ عنيده.

[مجرد انسان]

انطحن حبّك ماباقي بالرحى ياكود حبه=وانت ودك تنطحن وتكرر الامر وتعيده
يوم تسرق منجل الفلاّح وان شفته تكبه=مادريت انه بعد لقياك في فرصه سعيده

[سفيرنجد]

صاحبي مع غفلته شاله مطب ٍ عن مطبه=ونحرف سواقنا مع سيد آخر ماهو سيده.
تدري إن الباب حطو له عن السرقان ضبه=يالسروق اللي تحاول سرقة البنك ورصيده.