[سلطان العايضي]

ليَّه على الطيب حقوق ومشاريه =وألا الردي ما ني عليه أتشره
الطيَّب أعزه وأقدره وأغليه =أما الردي ماني بحبذ ممره
صديقي اللي لا تضايقت أناديه =يفزع لو إنه ساكنٍ وسط حره
يا بِعد رمعاته ومطيب هقاويه =يا كثر خيراته ويا قلْ شره
وأنا ليا منه زهمني أباجيه =أجيه لو بانت علي المضره
أما طلعت أطيب منه أو بجاريه= فالطيب لين العلم يا صل مقره
أبيع عمري بيع لرضاه وأشريه=ويبشر ليا جا ينتخي بالمسره
يا ذ الزمان اللي نشوف العجب فيه =كله عجب من حد بحره لبره
عزي لمن مثلي يلدْ النظر فيه =الله يا هرج الأوادم محره
لو ما يسوي شيء قالوا يسويه =شفناه شوف العين وألا بجره
والناس عيت كل شيء تخليه=النايم اللي في فراشه تجره
يقطع سنين الحب وسنين طاريه =مانا شنا ألا من وراه المضره
واليوم علمٍ مني وملحته فيه =سكرت باب الحب تسكير مره

سدَّاح بن راشد السبيعي

الموضوع الأصلي: حقوق ومشاريه | | الكاتب: سلطان العايضي | | المصدر: شبكة بني عبس

[سعد الشقل]

صح اللسان السبيعي

ولاهنت علىى القصيده الرائعه

[سلطان العايضي]

مشرفنا تسلم على متابعت جديدنا

:p :p

[سعد بن عادي]

بيض الله وجهك يا سلطان متميز دائما


دمتم كما تحبون

[ابوعالي الرشيدي]

لاهنت

على نقلك المميز

ودايماً متميز بمواضيعك

[سلطان العايضي]

اقتباس من مشاركة ابوعالي الرشيدي لاهنت على نقلك المميز ودايماً متميز بمواضيعك

مرورك مميز يابو عالي الرشيدي لاهنت

[نواري]

أبيع عمري بيع لرضاه وأشريـه
ويبشر ليا جـا ينتخـي بالمسـره
يا ذ الزمان اللي نشوف العجب فيه
كله عجب من حـد بحـره لبـره


صح لسان الشاعر
والله يعطيك العافية أخوي
23232

[راعي العليا]

صح لسان شاعرها ولاهنت على النقل