[أنكسارحلم]

اخواني في منتديات فارس عبس

اقدم الكم هذه المحاوره الذي جرة بيني وبين الشاعر المبدع عبدالله القعبوبي

في دواوين بني رشيد في تاريخ 25/4/1427هـ

وان شاء الله تنال على ستحسانكم

يقول عبدالله القعبوبي

سـلام رديـة تقـص اللحـم وتقـص العـظـام=اقولهـا والملعبـه فــي حالـتـن يـرثـى لـهـا
ياناصر صويان قرب عندنا موضوع هـام=نبيك تضبط موجة الارسال حسب ارسالها

ناصر الشويلعي

تسليمت المسلم ماقصت عظم يانسل الكرام=لاكـــان مـيــز بالـعـلـوم دقـاقـهـا وجـلالـهــا
اضبط هدفها ياوسيع العرف وافهم بالنظام=انا معك صاحِ لهـا وانتـه معـاي اصحـا لهـا

عبدالله القعبوبي

يامرحبا بي عد ماغنى على الغصن الحمـام=يوم ان بعض الناس بالترحيب ينقص مالها
الروس وامريكا يبون الحرب ياراع السـلام=وايـران يقـرع طبلهـا فــوق الجـبـل طبالـهـا

ناصر الشويلعي

رحـب بنفسـك ثـم عاتبهـا ولحقهـا المـلام=انا ادري إن اللي يسلم في الغباء يشتالها
اديارنا حامينها بالرمح الاجـرد والحسـام=و الـلـي تـجـنـب مـانـدورهـا ولانشقـالـهـا

عبدالله القعبوبي

ياغـازي البـراك علـم صاحـبـك الإحـتـرام=لا يحسبنـا مـن فريـق الشـركـه وعمالـهـا
وش حيلتك بالقمبله ماينفعك طول الحزام=لا جـت نوويـه تشـيـل المنطـقـه وجبالـهـا

ناصر الشويلعي

ياغازي البراك علم صاحبي معنى الكلام=خـلـه يمـيـز كلمـتـه مـــن بيـنـنـا لاقـالـهـا
الله يطول في عمار اللي يضدون الخصام=والله يخـلـي للـديـار شيوخـهـا ورجـالـهـا

عبدالله القعبوبي

الشـاعـر الـلـي مايمـيـز لا حــلال ولا حــرام=ماهو صحيبن لي مثل صحبته ما نرضى لها
ماقلـت فيهـم شـي ميـر الطـق فكـاك اللـحـام=يالله خفـف ثقـل حملـه فــوق ظـهـر جمالـهـا

ناصر الشويلعي

حنا درسنا بالليالي وانت في سن الفطام=كلمتـك هـذي ودهـا ياصاحـبـي جهالـهـا
نردهم عن مايبونـه مثـل مانـرد الجهـام=حنا سلاطيـن الرجـال اللـي تعـد افعالهـا

عبدالله القعبوبي

ماخذت درس من المدارس يا بدوي وسط الخيام=شـــداد يـــم الــديــره الــلــي يـعـجـبـك مـنـزالـهـا
بكـره يجيـك العلـم وعيونـك تـبـى تنـسـى المـنـام=والملـعـبـه مـنـتـه بـعــارف عـمـهـا مـــن خـالـهـا

ناصر الشويلعي

ليـا كبـرت شـوي علمنـاك ياهـذا الغـلام=تحلى لك الدنيا وهي مثلك بعـد تحلالهـا
انته حليفي وانشد الشيبان لاثار العسام=نارد سوى يم العدود اللي طوال حبالها

عبدالله القعبوبي

ماعاد ينفع لو نعلم حضرتك عشرين عام=صدقت ياللي قلت قيس العامريه جـا لهـا
كلمتك هذي نعتبرهـا ياولـد مسـك الختـام=واهل الردى ياصاحبي ما حالنا من حالها

تحياتي للجميع

الموضوع الأصلي: ((محاوره نقض وفتل)) | | الكاتب: أنكسارحلم | | المصدر: شبكة بني عبس

[(بعيد النظر)]

صح السانك ولسان عبدالله القعبوبي

ولا هنت على النقل

[سعد الرشيدي]

السلام عليكم ورحمة الله وبركاته

صح اللسانك يابو خالد

والله لايهينك

وصح اللسان الشاعر

عبد الله القعبوبي

وتسلم يدينك على النقل الممتع

اخوك سعد

[بدر نوران]

صح لسانكـ ولسان القعبوبي

ولاهنتم على هذه الرائعه


.
.


تقبلوووا شكري


.



الوافي

.

[أنكسارحلم]

بعيد النظر

صح بدنك وسلمت يالغالي ومشكور على مرورك


تحياتي

[أنكسارحلم]

صح بدنك يابو محمد

ومرورك يزيدني فخر بمثلك وشرواك والله لايهينك


لك مني خالص الشكر وتقدير



تحياتي

[فيصل الرشيدي]

لا هنت يا شاعر بني شويلع

وصح لساااااااااااانك

[خالد العبسي]

صح السانك ياراعي شعيل مردوم السنامي

انقل محاوراتي معك يامال الشحم

والوعد بكره ابذبحلك جمل