[صلاح مطلق]

بسم الله الرحمن الرحيم
السلام عليكم ورحمة الله وبركاته 000وبعد
اقدم الكم هذه القصيده واتمنا ان تنال اعجابكم


سرياقلم بالحبر الازرق عن الغير 000 ورتب على زرق السطور الكتابه

نويت قــاف ٍ لـــه شموخ ٍ وتاثير 000 قــــاف ٍ بدابه شــــاعره واعتلابه

خلاه مع انجوم ٍ سرت ليلها يسير 000 وبجزل المعاني باع به وشترابه

شاعر ٍ كسب له مع هل العرف تقدير 000 وعز ومعزه واحترام ومهابه

اهل الوفاء واهل الوجيه المسافير000 اللي انهجوا بالوقت نهج الصحابه

وناس ٍ لاطال الوقت طالت بتقصير 000 لقـــيت فيها والصباخي تشــابه

لو علها مزن الحيا صبح وعصير 000 من اول سحاب الوسم لاخر سحابه

تبقا دهــــر تبقا عجاج ومعاصير 000 ولفحة سموم قيض ٍ تطارد سرابه

ناس ٍ مافيها خــــيرن افراقها خير 000 مهما تكـــــون لونها اقرب قــرابه

الله ولا مــــد الــــيدين المــحاقير 000 لـــــو الزمن كــــشر علينا بنـــابه

للجرح دكــــتور ٍ وللحـــلم تفسير 000 وللحمل اجـــــمال ٍ والدجا له اذيابه

ماقلتها شـــرهه ولااطلب معاذير 000 قــــرار واعلنته خطاه وصــــوابه



الشاعر / صلاح مطلق المظيبري

الموضوع الأصلي: سحاب الوسم | | الكاتب: صلاح مطلق | | المصدر: شبكة بني عبس

[حلوة المشاعر]

صح لسانك اخوي
كلمات في قمة الروعة

[طلال ابن مصلاب]

صح السانك يابن مضبر ..جزاله بالتعبير ..وترابط بالأبيات التي لا تخلو من المعاني ..التي غلفها صلاح بأسلوبه الرائع ...

[كحيلة]

الله ولا مــــد الــــيدين المــحاقير 000 لـــــو الزمن كــــشر علينا بنـــابه

الله الله...صح الله لسانك مليوون..قصيدة طيبة بالحيييل راقت لي..
لاخلا ولاعدم..

[احمد منيف]

الله ولا مــــد الــــيدين المــحاقير 000 لـــــو الزمن كــــشر علينا بنـــابه

صح الله لســانك اخوي صلاح وقصيده رآآقت لي بالحيل ..

وذكرتني بقصيد للإمير .. محمد السديري ..

اللي يقول

سلطان ذقت انا الموت مره ومره . والثالثه يامير كشرلي بنابه
مابيه لكنه بلاني بشـــــــــــره ... زودن على حمله كهزلي ركابه

ع العموم قصيده طيبه

وحبيت انوه اخوي قسم .. عيون الشعر للقصائد المنقوله .

اذا حاب تنقل القصائد اللي لك بقسم الشعر الشعبي .

[الفجواني]

صح لسانك جزله وبيوت نظيفه

[بندر الشويلع]

صج لسان شاعرها وتسلم يمين ناقلها
وختيار موفق
وشكراً ع النقل المميز.

[صلاح مطلق]

اشكر الجميع على الرائع والمشرف
تحياتي