[صعفق]

ما يسعف احساس المفارق غيرها كلمة عسى
يرد في يوم الموادع لو غزى صدره حنين






وما يضعف اصرار المكابر غير حزات المسا
وقت الغروب ف داخله يبعثر الحزن الدفين





ان كان دهره من بعد ما لان له فجأه قسى
هذا لأنه قد غفل تدان كان انك تدين





اللي من الدنيا بكيفه كاسها شهد احتسى
باكر بذات الكاس يشرب منها مر السنين






واللي من الضحك وسروره ماضي ايامه كسى
مصير ثوب السعد يبلى كاره ولو بعد حين





الجرح والصبر العقيم ف صدره وجيش الأسى
ما عاد يخفيها الضحك ما دام يفضحها الأنين





رحلة أمانيه انتهت والمركب اللي ما رسى
فيها جزيرة حلمه المفقود والكنز الثمين





ما عاد له باقي سوى الله يجمعنا عسى
والله من بعد الشتات يرد لعيوني ضنين

الموضوع الأصلي: كــــلـــــمــــــــة عــــــــســـــــــى | | الكاتب: صعفق | | المصدر: شبكة بني عبس

[صعفق]

ووووووووووووووووووووووووحدوه

[الهوى الغائب]

اختيار روعه

تسلم
لاهنت

[كحيلة]

ما يسعف احساس المفارق غيرها كلمة عسى يرد في يوم الموادع لو غزى صدره حنين وما يضعف اصرار المكابر غير حزات المسا وقت الغروب ف داخله يبعثر الحزن الدفين

الله الله..
صح الله لسان شاعرها..وتسلم يمينك أخوي صعفق ع النقل الطيب..
مشكووور..ولاخلا ولاعدم..