[أحمَـد الرشيدي]

السلام عليكم ورحمة الله . .

شيلة جديده ، تتحدث عن ذكريات الماضي

والاشتياق له

كلمات الشاعر / مساعد بن سعيد الهذلي

أداء / احمد الرشيدي

تصميم / السهم القاتل

فمان الله ياعمرٍ قضيته بين يوم وليل
فمان الله ياعصر الشباب اللي تعداني

فمان الله عشر سنين مرة بين عدل وميل
وأنا مازلت بين أمي وأبوي برفقة أخواني

فمان الله بعد العشر خمس إسنين بتقصيل
بعدها كل شي يمرني ماعاد يخفاني

فمان الله ياوقتٍ مضالي مثل نجم سهيل
على قيس الضروف اللي تداهمني وتنصاني

فمان الله أعقلها وأثنيها وسيد عقيل
وأخذت مع الرجال اللي ملا صدري وكفاني

فمان الله يابرق الحيا اللي سال منه السيل
على دارٍ من أول للظبا والبدوا مسكاني

فمان الله يامحلى الحياه اللي بهاكـ الجيل
فمان الله لين يغيب نجم ويطلع الثاني

فمان الله ياخطٍ كتبته في ذراع الفيل
كتبته في ذراع الفيل وأقفابه ولا جاني

فمان الله ياحبلٍ طويته في ردوف إشعيل
بعير التاجر اللي ماعرفني حيث واتاني

فمان الله لين الغصن يضمر والفروع تميل
ولـو طار الغـراب و وقع الغرنوق ما ابكاني

كلمات الشاعر / مساعد بن سعيد الهذلي

للإستمآع :



تحياتي لكم

الموضوع الأصلي: شيلة فمان الله - كلمات مساعد الهذلي - احمد الرشيدي | | الكاتب: أحمَـد الرشيدي | | المصدر: شبكة بني عبس

[أحمَـد الرشيدي]

رفع للاعلى ...

[راسبه بالحب]

يعطيك الف عافيه


ابداع صوت وكلمات ..

لاعدمنا جديدك ..

[أحمَـد الرشيدي]

الله يعافيك ياراسبه
منوره

[الزعيم..]

أحمد مميز دئمااا ..

يسلمك ربي ..

[أحمَـد الرشيدي]

تسلم ياشيبوب

نورتني

[محمد الراشد]

احمد انت مختلف بكل شي
اختيارك جميل وصوتك اجمل

[سحايب]

مشاءالله اداءرااائع وتصميم اجمل
وقصيده ابداعيه استمتعنا بمفردها
يعطيك العاافيه متميز دائما...